Jeremia 44:4 - MUKANDA USANDU WA ZAMBI 1975

⁴ Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Mukanda Wa Zambi 1970

⁴ Nanutuminyine tuvumbi twami akwa munanyi, waze te akunulongesa ngwo, kuchatambile kulinga Chuma chino chibi chize nakuvutwokela.

Jeremia 44:4 Iomraidhean Croise

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Nehemia 9:34

Chipwe mianangana jetu, ni alemu jetu, ni asasendote, ni tulamba twetu kafungile shimbi je, kapanjikile ku maliji je ni Shindakenyo ye yize waámbile.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Jeremia 26:5

nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Jeremia 29:19

mumu kapanjikile maliji jami, Yehova ngwenyi, Nalikolezele kutuma ni tuvumbi twami aprofeta alioze kunwapanjikile.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Jeremia 32:34

Amikine yizelwokeso yo mu zuwo lino alilukile ni jina liami, hanga akalichise.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 35:17

Kashika Yehova, Zambi-ya-Tujita, Zambi ya Izalele kanambe ngwenyi, Ngunaneha hali A-Yunda ni akwa Yerusaleme eswe yuma yize yikalu hinatongola kuli ayo. Mumu hingunahanjika kuli ayo hindu kevwile; hingunaasanyika hindu katayile.

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Jeremia 7:17

Kwamwene chize analingi mu yihunda ya Yunda ni ha matapalo ja Yerusaleme?

Jeremia 7:18

Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Jeremia 7:25

Chize ku tangwa lize tulamba twenu akatukile ku chifuchi cha Engitu ndo musono, chahonene kutuma tuvumbi twami aprofeta kuli ayo tangwa ha tangwa;

Ezekiel 16:36

Mwene Yehova kanambe ngwenyi, Mumu sonyi je ajisolwele, ni uselesele we aufukwile mu ukoi we ni akwa zango lie, ni ha mukunda wa mahamba je eswe a lwaji, ni wa manyinga ja ana je wahanyine kuli ayo,

Ezekiel 16:47

Hindu kulinga yuma yo ya lwaji kuchakuhetele, chipwe kwenda mu majila jo, ahoze ni shimbu likepe wika wapiha kuhiana ayo mu ndako je jeswe.

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Ezekiel 8:10

Chocho yingunjila, yingumona, mba ha yishimi ya kujingilika hasoneka milali yeswe ya tushitu a kukalala, ni tushitu api chikolo, ni tuponya eswe a munyachi wa Izalele.

Daniel 9:6

Kutwapanjikile kuli tuvumbi twe aprofeta, waze ahanjikile mu jina lie kuli mianangana jetu, ni alemu jetu, ni tulamba twetu, ni atu eswe a chifuchi.

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?

1 Petulu 4:3

Mumu kunahu hali yenu miaka yize yapalika kulinga upale wa akwa mavungu, nikwenda mu ujila, ni usolo, ni kunwa vinyu, ni chimbangwinya, ni kunwanwa walwa, ni kukombelela cha kuzelwokesa.