Jeremia 44:2 - MUKANDA USANDU WA ZAMBI 1975

² Yehova-wa-Tujita, Zambi ya Izalele kanambe ngwenyi, Hinwamona yikalu yeswe nakokele ha Yerusaleme ni ha yihunda yeswe ya Yunda. Musono hiyapwa ya hululu; niumwe keshimo wakuhi,

Mukanda Wa Zambi 1970

² Mwene Zambi, Mukwa Ndundo Jeswe, Zambi ya Israele, kanambe ngwenyi: “Hinunamono yenwene chize nenyekene Yerusaleme ni membo eswe ja Yuda. Chibwe haliabwila kaali akwenyeka, niumwe keshimo,

Jeremia 44:2 Iomraidhean Croise

1 MIANANGANA 21:13

Mungutachika ha Yerusaleme muhipu wa Samaria ni prumo ya munyachi wa Ahabe. Mungukusumuna Yerusaleme ngwe lunga makusumuna chenga nikuchikusumuna nikuchalumuna.

Kutuhuka 19:4

Nwamwene chize nalingile kuli A-Engitu, ngwe yami nanumbachile ha mapulwa ja pupa nikunuhetesa kuli yami mwene.

Izaya 24:12

Chihunda hanachihichika cha hululu; mapito hanaapupu ndo hapujieka.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 25:11

Chifuchi chino cheswe muchalumuka cha kwenyeka ni cha mwongo, ni minyachi yino muyilingila mwanangana wa Babilonia makumi shimbiali a miaka.

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 44:23

Chipi chino cheswe hichanuwana ndo musono mumu nwochele insensu, ni kuvulumuna Yehova; kunwononokene ku liji lia Yehova, chipwe kwenda nikulita ni shimbi jenyi, hanji yiyulo yenyi, hanji Shindakenyo jenyi.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Jeremia 8:3

Yehova-wa-Tujita kanambe ngwenyi, Waze eswe malisalaho a ku munyachi uno upi mu yifuchi kuze naahuminyine makazanga Shinaho kufwa hi mwono ko.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Lungungu 1:1

Chihunda chinatwama kulungunga, chize chapwile cha tò ni atu mama yami! Hichinalumuka ngwe tuliwa, chapwile chinene hakachi ka mavungu. Chapwile ni chiyulo hakachi ka yihunda hichalumuka kapinji!

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 5:18

mumu mulundu wa Zaione hiwapwa wa hululu; mikuza wika kanendanganyinaho.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Alevi 26:43

Alioze chifuchi o machihichika chikahwime ni Sambata jacho shimbu muchipwa ngwe puya, o te keshiko. Mba mazeya ku lufumbo wami wa uhenge wo, mumu ha kulelesa shimbi jami, mbunge jo jalipihilile ni yiyulo yami.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Shimbi 29:2

Mose yatambika A-Izalele eswe ngwenyi, Nwamwene yeswe alingile Yehova kumeso jenu mu chifuchi cha Engitu kuli Falau, ni kuli ngamba jenyi, ni ku chifuchi chenyi cheswe.

Yoshua 23:3

Ni yenu hinwamona yuma yize yeswe Yehova Zambi yenu halinga ku mavungu ano eswe mumu hali yenu, mumu Yehova Zambi yenu iye hanwashila jita.