Jeremia 44:16 - MUKANDA USANDU WA ZAMBI 1975

¹⁶ Ha kutwala ku liji lino watwaha mu jina lia Yehova, kutuchi kukupanjika.

Mukanda Wa Zambi 1970

¹⁶ “Tunalitunu kubanjika yeswe yize Unatulweze mu jina lia Zambi.

Jeremia 44:16 Iomraidhean Croise

Miaso (Masamu) 2:3

Tupatulenu makana jo; tumbilenu mihipu yo!

Kutuhuka 5:2

Falau yamba ngwenyi, Yehova iya? Mba ngupanjike ku liji lienyi, ngweche A-Izalele kuya? Ami Chanyingikine Yehova, chikwo nawa chichi kwecha A-Izalele kuya.

Yishima 1:24

Mumu hingunasanyika ni yenu kunusolo kupanjika, hingunolola moko jami alioze niumwe katayile.

Izaya 3:9

Katonde ko kukanaashindakenya; ene kakusolola shili yo ngwe Sondome, kayiswekele. Lamba lio! Mumu ene hanalikokela chipi.

Jeremia 11:10

Hanahilukila uhenge wa tulamba two, waze katayile kwivwa maliji jami. Hanakaula mazambi akwo akaalingile. Munyachi wa Izalele ni munyachi wa Yunda hanatangula usendo uze nalingile ni tulamba two.

Jeremia 11:8

Hindu kononokene chipwe kutela matwi, alioze mutu mweswe wendele ni pami ja mbunge yenyi yipi. Kashika naakokelele maliji eswe a usendo uno naatuminyine, alioze kaalingile.

Jeremia 13:10

Akwa vungu lino lipi, kasolo kwivwa maliji jami, kakwenda ni pami ja mbunge jo, hanakaula mazambi akwo kwalingila ni kwawayila, kumakapwa ngwe hina lino kuliatelele milimo niyimwe.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Jeremia 42:13

Alioze nyi munwamba ngwenu, Kutuchi kutwama mu chifuchi chino, ni kukolema ku liji lia Yehova Zambi yenu

Jeremia 43:2

Azaria mwana Hoshaia ni Johanane mwana Karea ni akwa shino eswe ambile kuli Jeremia ngwo, Mahuza unambe. Yehova Zambi yetu kakutumine ukambe ngwe, Kanda nuya ku Engitu nutwameko.

Jeremia 44:24

Jeremia yamba kuli atu eswe ni kuli mapwo eswe ngwenyi, Ivwenu liji lia Yehova enu A-Yunda eswe nuli mu chifuchi cha Engitu.

Jeremia 44:25

Yehova-wa-Tujita, Zambi ya Izalele kanambe ngwenyi, Enu ni mapwo jenu hinwamba ni makanwa jenu ni kuchilinga ni moko jenu ngwenu, Kumutukalinga yilakenyo yetu ya shingo yize hitwalakenya tukochele insensu mwe mwanangana wa pwo wa malilu nikumuzujila milambu ya kunwa. Hikolesenu yilakenyo yenu, nukayilinge.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Jeremia 8:6

Hinatelako matwi, hinapanjika, alioze kahanjikile kanawa. Niumwe kanalikonyeka ha ungulungulu wenyi ngwenyi, Yika nalinga? Mweswe kanatalikisa mu jila yenyi mwene ngwe kavwalu yoze kanalimbilila mu jita.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Luka 19:27

Alioze wano akwa kole jami, waze kazangile yami ngwayule, anehenu kuno, nwashihe kumeso jami.

1 Samuel 8:19

Hindu atu kasolo kupanjika ku liji lia Samuel. Yamba ngwo, Hi chocho ko. Tunazange mwanangana helu lietu,