Jeremia 44:13 - MUKANDA USANDU WA ZAMBI 1975

¹³ Munguhana kastigu kuli waze anatwama mu chifuchi cha Engitu chizechene ngwe nalambile Yerusaleme ni katana, ni kapunga, ni chilungo,

Mukanda Wa Zambi 1970

¹³ Mungukamwesa lamba waze atwama mu Egiptu, ngwe chize hinamwesa akwa Yerusaleme lamba, ni jita, ni zala, ni musongo.

Jeremia 44:13 Iomraidhean Croise

Jeremia 43:11

Kumakeza ni kulamba chifuchi cha Engitu, ni kuhana ku chilungo waze hanaafunjikila chilungo, ni kukunjika ku ufunge waze hanaafunjikila ufunge, ni kukunjika ku katana waze hanaafunjikila katana.

Jeremia 11:22

kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Jeremia 24:10

Mungutuma kuli ayo katana, ni kapunga, ni chilungo ndo hakuwa ku chifuchi chize nahanyine kuli ayo ni kuli tulamba two.

Jeremia 21:9

Mweswe masala mu chihunda chino mafwa ni katana, ni kapunga, ni chilungo, alioze mweswe matuhuka nikulikunjika kuli A-Kaletea waze ananuseleka kechi kufwa, mamwaha mwono wenyi, upite wa jita.

Jeremia 42:16

mba katana nunamuvwila woma makanuwana ku chifuchi cha Engitu, ni kapunga yoze nunamuvwila woma makanukaula kwe ku Engitu, mba kwenako munukafwila.

Jeremia 42:17

Malunga eswe waze anase meso jo kuya ku Engitu kutwama kumakafwilako ni katana, ni kapunga, ni chilungo. Kechi kapwa ni masalila hanji waze kechi kufwa ku yikalu yize mungwakokela.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 42:15

Nyi chocho munwamba, hipanjikenu liji lia Yehova, enu masalila ja A-Yunda. Yehova-wa-Tujita, Zambi ya Izalele kanambe ngwenyi, Nyi munusa meso jenu kuya ku Engitu, nuye nukatwameko,

Hosea 9:6

Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.