Jeremia 44:10 - MUKANDA USANDU WA ZAMBI 1975

¹⁰ Kalikehesele ndo ku tangwa lino lia musono, chipwe kwivwa woma, chipwe kwenda nikulita ni shimbi jami hanji yiyulo yami yize nasele kumeso jenu ni kumeso ja tulamba twenu.

Mukanda Wa Zambi 1970

¹⁰ Alioze ndoo ni musono kunusolo kulikehesa. Kunusolo kungulemesa chibwe kufunga Shimbi jeswe jize nanuhele yenu ni tushakulu twenu.

Jeremia 44:10 Iomraidhean Croise

1 Yitanga Ya Mianangana 21:29

Wamona chize Ahabe halikehesa kuli yami? Kashika chichi kuneha che chipi mu matangwa jenyi mumu halikehesa kuli yami alioze munguneha chipi ha munyachi wenyi mu matangwa ja mwanenyi.

1 MIANANGANA 22:19

mumu mbunge ye yapwa yovu, hiwalikehesa kumeso ja Yehova ha kwivwa chize hinamba cha kulimika ni homa hano, ni atu jaho eswe, ngwami, muhapwa chihela cha hululu, muhapwa nawa shingo; hiwasonya mazalo je, hiwalila kumeso jami; ni yami nawa hinakupanjika, ngwenyi Yehova.

2 Sango Ja Mianangana 32:26

Alioze Hezekia yalikehesa mumu ha kulengumuka cha mbunge yenyi, iye ni akwa Yerusaleme hamwe, kashika ufwatulo wa Yehova kuwejile hali ayo ha matangwa a Hezekia.

2 Sango Ja Mianangana 33:12

Mu lamba lienyi yaliumba kuli Yehova Zambi yenyi, yalilelesa chikolo kumeso ja Zambi ya tulamba twenyi.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

2 Sango Ja Mianangana 34:27

mumu mbunge ye yapwile yovu, ni yena walilelesele kumeso ja Zambi ha kwivwa maliji jenyi a kulimika ni chifuchi chino ni atu jamo, hiwalilelesa kumeso jami, hiwasonya mazalo je nikulila kumeso jami, ni yami hinakupanjika, chocho kanambe Yehova.

Miaso (Masamu) 34:18

Yehova katwama hehi ni waze amakuka mbunge. Kakulamwina waze akwete Spiritu ya kupihilila.

Miaso (Masamu) 51:17

Yitapo ya Zambi, spiritu yize yinamakuka. Yena Zambi kushi kulelesa mbunge yize ya kulimakuna nikulikehesa.

Miaso (Masamu) 78:10

Kafungile usendo wa Zambi. Kasolo kwenda mu shimbi jenyi.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Kutuhuka 9:17

Yena hindu hiwalinangamisa mukulimika ni atu jami, kusolo kwaecha kuya, nyi?

Kutuhuka 9:30

Alioze ha kutwala kuli yena ni ngamba je, ngunanyingika ngwami, Chipwe haliapwila kunuchi kavwila woma Yehova Zambi.

Yishima 14:16

Mukwa mana kakwivwa woma, kakuchina yipi; alioze chihepuke kakulilengela, keshi woma.

Yishima 16:6

Utu wa zango ni umwenemwene kuyakufwetela uhenge; ku woma wa Yehova atu kakuchina yipi.

Yishima 28:14

Kawaha yoze mevwa woma matangwa eswe; alioze yoze makalisa mbunge yenyi malimbukila mu lamba.

Yishima 8:13

Woma wa Yehova unalumbunuka kulinwa ni chipi. Kunakulinwa ni kulengumuka, ni kulizata, ni ndako jipi, ni kanwa liapiya.

Izaya 42:24

Yoze wakunjikile Yakomba kuli akwa kupupa iya? Yoze wahanyine Izalele kuli yingumba iya? Hi Yehova ko yoze twamuvulumwine? Mumu kendele mu ndako jenyi, kononokene ku shimbi yenyi.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Jeremia 10:7

Iya kechi kukuvwila woma, ena Mwanangana wa mavungu? Chino chinakute mumu hakachi ka akwa mana a mavungu ni mu yifuchi yo kukushi umwe walita ni yena.

Jeremia 26:4

Muwamba kuli ayo ngwe, Yehova kanambe ngwenyi, Nyi kunuchi kupanjika kuli yami nukende mu shimbi yami yize ngunase kumeso jenu

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 36:24

Chipwe mwanangana, chipwe umwe wa tuvumbi twenyi waze evwile maliji wano eswe kevwile woma, chipwe kupula mazalo jo, ka.

Jeremia 44:23

Chipi chino cheswe hichanuwana ndo musono mumu nwochele insensu, ni kuvulumuna Yehova; kunwononokene ku liji lia Yehova, chipwe kwenda nikulita ni shimbi jenyi, hanji yiyulo yenyi, hanji Shindakenyo jenyi.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 6:15

Te sonyi evwile ha kulinga yuma ya lwaji? Kenu! Kevwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka uze muze mungwalamba mungwanunguna. Chocho kanambe Yehova.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Ezekiel 9:4

Yehova yamba kuli iye ngwenyi, Palika mu chihunda, mwe mu Yerusaleme, ukase mufunda ha mahuma ja malunga aze akutwa mikuma ni kulishimwoka ha mukunda wa yuma ya lwaji akulingamo.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Luka 23:40

Alioze mukwo nikukumbulula wamukanjishile ngwenyi, Yena kushi woma chipwe wa Zambi, nyi? Se uli ni uhiso umuwika.

A-ROMA 11:20

Mba, ayipatwileho mumu kafulielele, ni yena unamana ku Ufulielo. Kanda ukalengumuka, alioze ivwa woma:

1 Petulu 5:6

Kashika likehesenu kushi lia kwoko lia ndundo lia Zambi, hanga akanunangamise ha mwaka wenyi.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.