Jeremia 44:1 - MUKANDA USANDU WA ZAMBI 1975

¹ Liji liejile kuli Jeremia ha kutwala kuli A-Yunda eswe waze atwamine mu chifuchi cha Engitu, mu Mingondole, ni Tafane, ni Nofe, ni mu chifuchi cha Patarose, lino:

Mukanda Wa Zambi 1970

¹ Mwene Zambi yanguhanjikisa hakutwala kuli Aisraele eswe waze atwama mu Egiptu; mu membo ja Migdole, ni Tapane, ni Memfise, ni ku sude mu chifuchi.

Jeremia 44:1 Iomraidhean Croise

Ubutukilo 10:14

Ni Perushimi, ni Kaluhime, (kwenako kwakatukile A-Filistea) ni Kafetore.

Kutuhuka 14:2

Amba A-Izalele ahiluke kunyima, ajike mbalaka jo kulutwe lia Paihahiro, hakachi ka Mingondole ni kalunga-lwiji, kulutwe lia Mbale-Zefwone ku sesa lia kalunga-lwiji, hatalanganyi ni kuze nukajike mbalaka jenu.

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 19:13

Alemu a Zoane hanalumuka yihepuke; alemu a Nofe hanongoloka. Waze anapu mawe a ha mbango ja minyachi hanapiangula Engitu mu jila.

Jeremia 2:16

Chikwo nawa, malunga a ku Nofe ni Tafane hanalokola mbanda-mutwe we.

Jeremia 24:8

Alioze Yehova kanambe ngwenyi, Ngwe makuyu api, hapiha chocho mutu kechi kuhasa kwalia, chocho mungulinga ni Zedekia mwanangana wa Yunda, ni alemu jenyi, ni masalila ja A-Yerusaleme waze masala mu chifuchi chino ni waze anatwama mu chifuchi cha Engitu.

Jeremia 43:13

Kumakapalwola yimanguji ya mawe yize yili ku Heliopolu mu chifuchi cha Engitu; kumakocha ni kahia matembele ja mazambi ja Engitu.

Jeremia 44:15

Mba malunga waze eswe anyingikine ngwo, Mapwo jetu hanochela insensu mazambi eka, ni e mapwo waze te anamanako, chikungulwila chinene cha waze eswe atwamine mu patarose, mu chifuchi cha Engitu akumbulwile Jeremia ngwo,

Jeremia 46:14

Amba mu Engitu, tambika mu Mingondole; tambika mu Nofe ni mu Tafane; Amba ngwe, Manenu kanawa nulilulike, mumu katana makakuwisa kweswe kwa kunujingilika. Apise, kuchi te hachina?

Jeremia 46:19

Lulikenu yikashi yenu nuye ku unjize enu akwa Engitu. Mumu Nofe muyalumuka ya hululu, muyipuzuka ni atu kechi katwamamo.

Ezekiel 29:10

kashika kunalimika ni yena; kunalimika ni njiji je. Mungukapwisa chifuchi cha Engitu cha hululu, cha kwenyeka, chize ku Mingondole ndo ku Sevene ni ku njiza ya Etiopia.

Ezekiel 29:14

Mungukahilwisa kuwaha cha A-Engitu; mungukaahilwisa ku chifuchi cha Patarose, chifuchi cha chikota cho, mba kuze kwene kumakapwa wanangana ukepe.

Ezekiel 30:13

Mwene Yehova kanambe ngwenyi, Mungukonwona mahamba, mungukasulisa tuponya mu Nofe. Kumuchi kapwa nawa mulemu mu chifuchi cha Engitu; chocho mungukakolesa woma chifuchi cha Engitu.

Ezekiel 30:14

Mungukapwisa Patarose ya kwenyeka; mungukasa kahia mu Zoane; mungukalinga yilinga yami ya upatwilo mu No.

Ezekiel 30:16

Mungukachocheka kahia ku Engitu; Shini mapwa ni yikola yinji. Makalokola No, yipanga yako ya mawe makayipuzula.

Ezekiel 30:18

Ku Tehafene tangwa mulikalá ha kushihako chiyulo cha Engitu, ni ndundo jenyi ja kulengumuka mujikasula. Makafukiwa ni lelwa, ni anenyi a mapwo kumakaya ku ufunge.

Hosea 9:6

Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.