Jeremia 43:9 - MUKANDA USANDU WA ZAMBI 1975

⁹ ngwenyi, Anda mu moko je mawe anene, ukaavumbike mu ndambo ya mawe ku unjililo wa zuwo lia Falau mu Tafane, kumeso ja malunga ja A-Yunda.

Mukanda Wa Zambi 1970

⁹ “Anda amwe mawe anene anene, waavumbike mu ndambo ya kuchinga ni mawe mu mavu mu unjililo ku zuwo lia akwa kuyula, uchilinga ku meso ja Aisraele.

Jeremia 43:9 Iomraidhean Croise

2 Samuel 12:31

Yachizamo atu aze apwilemo nikwasela ku selalo, ni ku yikungo ya kulima nayo, ni ku njimbu ja utale, nikwalingisa ku utengelo wa tijolo. Chocho walingile ku yihunda yeswe ya A-Amone. Mba David ni atu eswe yahiluka ku Yerusaleme.

Kutuhuka 1:14

Yaashata milimo yikalu ya ndambo, ni ya tijolo, ni ya milimo yeka ni yeka ya mu minda. Yaalingisayo yeswe ni uswi.

Jeremia 25:19

Ni Falau mwanangana wa Engitu, tuvumbi twenyi, ni alemu jenyi, ni atu jenyi eswe.

Jeremia 43:10

Mba muwamba kuli ayo ngwe, Yehova-wa-Tujita, Zambi ya Izalele kanambe ngwenyi, Kumungukatuma ngukasake kavumbi kami Nabukanezore mwanangana wa Babilonia mba iye kumakanuka ngunja yenyi he helu lia mawe wano hinavumbika; kumakazazulwilaho mbalaka yenyi ya wanangana.

Jeremia 43:8

Liji lia Yehova liejile kuli Jeremia mu Tafane,

Jeremia 44:30

Yehova kanambe ngwenyi, Kumungukakunjika Falau Hofara mwanangana wa Engitu kuli akwa kole jenyi ni kuli waze anafupu kumushiha, chizechene ngwe nakunjikile Zedekia mwanangana wa Yunda kuli Nabukanezore mwanangana wa Babilonia mukwa kole yenyi kanda mukwa kufupa kumushiha.

Ezekiel 4:1

Alioze yena mwana mutu, anda ndope Ukayise kumeso je, ukesekeho chihunda, Yerusaleme.

Hosea 12:10

Yami nahanjikile kuli aprofeta; yami nokesele usolwelo, nikuhana yishima ku makanwa ja aprofeta.

Nahume 3:14

Tahenu meya ha jita ya kuseleka; kolesenu yihunda yenu ya tachi. Yénu ku uma, chakenu ndambo, kwatenu ku forma ya ndope.

Yilinga 21:11

Iye yeza kuli yetu, yanda muya wa Paulu, yalikasa moko jenyi ni molu jenyi mwene, yamba ngwenyi, Chocho anambe Spiritu Musandu ngwenyi, Chocho A-Yunda a mu Yerusaleme kumakasa mwenya muya uno, kumamukunjika ku moko ja akwa mavungu.

Usolwelo 18:21

Mba mungelo wa ngolo wanjile liwe ngwe liwe linene ha kutwa nalio, walinyashine mu kalunga-lwiji, ngwenyi, Chocho ni tachi kumakanyasa hashi Babilonia, lie limbo linene, ni kechi kaliwana nawa nichimwe.