Jeremia 43:5 - MUKANDA USANDU WA ZAMBI 1975

⁵ Alioze Johanane mwana Karea ni tusongo eswe a maswalale yanda masalila ja A-Yunda eswe, waze te hakatuka ku yifuchi yeswe kuze haahumina, akahiluke atwame mu Yunda—

Mukanda Wa Zambi 1970

⁵ Mba Johanane ni miata a tujita akwo yaatwala eswe waze asalile mu Yuda ku Egiptu, hamwe ni eswe waze ahilukile ku mavungu kuze achinyinyine:

Jeremia 43:5 Iomraidhean Croise

1 MIANANGANA 25:22

Ha kutwala kuli atu aze asalile mu chifuchi cha Yunda, waze te Nabukanezore mwanangana wa Babilonia hanahichika, hali ayo wasele Gedalia mwana Ahikame mwana Shafane akapwe mukwa kwayula.

Jeremia 40:10

Nyi yami, mungutwama mu Mizepa ngukanuhanjikile kuli A-Kaletea waze meza kuli yetu, alioze yenu kungululenu vinyu, ni mihuko ya lwiza, ni maji, nukayitulikile mu yikwachilo yenu, nukatwame mu yihunda yenu yize hinwatambula.

Jeremia 41:10

Mba Ishemali yakwata ufunge atu akwo eswe waze apwile mu Mizepa, ana a mwanangana a mapwo ni atu eswe waze asalile mu Mizepa, te Nabuzaradane kapitau ka tulayi haakunjika kuli Gedalia mwana Ahikame. Ishemali mwana Netania yaakwata ufunge, yakatuka akaye kuli A-Amone.

Jeremia 41:17

O yaya, yatwama ku Gerute Chimame hakamwihi ni Mbeteleme ni kunyonga kuya ku Engitu

1 Samuel 26:19

Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.