Jeremia 43:12 - MUKANDA USANDU WA ZAMBI 1975

¹² Kumakawika kahia mu matembele ja mazambi ja Engitu; kumakaocha ni kwatwala ku ufunge. Kumakapemesa chifuchi cha Engitu ngwe kafunga ka yimuna kakupemesa yina ku mazalo jenyi; mba kumakakatukako ni sambukila.

Mukanda Wa Zambi 1970

¹² Mungukocha mazuwo ja mazambi ja akwa Egiptu; mwanangana wa Babilonia neye kumakocha mahamba jo hanji kuya no. Ngwe chize kafunga akuchiza yina ku mahina jenyi, Chenacho mwanangana wa Babilonia makalinga ku chifuchi cha Egiptu, makabwa mukwa kukumba.

Jeremia 43:12 Iomraidhean Croise

2 Samuel 5:21

A-Filistea yahichikako mahamba jo, mba David ni malunga jenyi yaambata.

Estere 6:9

Akunjike mazalo ni kavwalu kuli umwe wa alemu aze ahiana a mwanangana akajike mwe lunga yoze mwanangana kanawahilila kumulemesa; akamwendese ha kavwalu ku tapalo lia chihunda nikutambika mutambi kulutwe lienyi ngwo, Chocho kakulinga kuli tanga yoze mwanangana kanawahilila kumulemesa.

Jobe 40:10

Zala ulamba ni ulemu; lijike ni uhenya ni kulejima.

Miaso (Masamu) 104:2

Walifuka ni pangu ngwe uzalo; wazazulula malilu ngwe luhina.

Miaso (Masamu) 132:16

Asasendote jenyi mungwa jika ni ulamwino. Asandu jenyi malikwiza ni uwahililo.

Miaso (Masamu) 132:18

Akwa kole jenyi mungwajika ni sonyi, alioze hali iye mwene chipangula chenyi muchikahenya.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Izaya 19:1

Liji lia kutwala ku Engitu. Talenu, Yehova kanende ha lelwa lia tambu, kaneza ku Engitu. Kashika tuponya twa Engitu kanachikima kumeso jenyi, ni mbunge ja A-Engitu kumujikasangunuka muchima lio.

Izaya 21:9

Kumanyi akwa tuvwalu, aali ha aali. Mba yakumbulula ngwenyi, Babilonia hanunguka, hanunguka! Ni tuponya twa mazambi jamo hanapalwola hashi.

Izaya 46:1

Mbele kanafukama, Nebo kanahetama. Tuponya two hali tushitu ni yimuna ali; yuma nunambata ya kutwika ngwe yiteli hali tushitu a yikatalo.

Izaya 46:2

Kanahetama, kanafukama hamuwika, kahashile kulamwina che chiteli, se ene nawa kanayi ku ufunge.

Izaya 49:18

Hetula meso je umone kweswe kwa kujingilika; eswe kanakunguluka, kaneza kuli yena. Yehova kanambe ngwenyi, Ni mwono wami, kumukaazala ngwe chuma cha uhenya, kumukalikashilo ngwe ndungi kakulinga.

Izaya 52:1

Laula Zaione! Laula ukazale tachi je! Yerusaleme, limbo lisandu, zala mazalo je apema, mumu yilima ni akwa luchisa kechi keza nawa kuli yena.

Izaya 59:17

Yazala ululi ngwe chipwiko, ni ngalau ya ulamwino ha mutwe wenyi. Yazala mazalo a kukala milonga akaazale. Yalifuka ni ufwatulo ukapwe uzalo wa ngungu kuli iye.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Izaya 61:5

Yilambala mamanamana nikulisa mapanga jenu, tundaka manulimina ni kufunga minda yenu ya uva.

Jeremia 10:11

Muwamba kuli ayo ngwe, Mazambi aze katangile malilu ni hashi kumakanonga ni hashi ni mushi lia malilu.

Jeremia 10:15

Kafwikile nichimwe, chitanga chimwe cha kwonga. Ha mwaka wa kastigu kumakanonga.

Jeremia 25:19

Ni Falau mwanangana wa Engitu, tuvumbi twenyi, ni alemu jenyi, ni atu jenyi eswe.

Jeremia 43:13

Kumakapalwola yimanguji ya mawe yize yili ku Heliopolu mu chifuchi cha Engitu; kumakocha ni kahia matembele ja mazambi ja Engitu.

Jeremia 46:25

Yehova-wa-Tujita, Zambi ya Izalele wambile ngwenyi, Ngunakoko kastigu hali Amone wa ku No, ni Falau, ni Engitu ni mazambi jako ni mianangana jako, ni hali Falau ni waze anamufuliela.

Jeremia 48:7

Mumu ha kufuliela yitanga yenu ni upite wenu kashika ni yenu nawa manukwata, ni Chemoshe maya ku unjize hamwe hi asasendote jenyi ni alemu jenyi.

Jeremia 49:27

Mungukawika kahia mu chipanga cha Ndamaseku; makalalisa mazuwo ja Mbene-Hadade.

Jeremia 50:2

Amba ku mavungu nikukololoka; mika mbandeira nikukololoka; kanda uchisweka, amba ngwe, Babilonia hanayitambula, Mbele hanamukolesa sonyi, Merodach kanatatajala. Tuponya twenyi hanaakolesa sonyi, mahamba jenyi kanatatajala.

Jeremia 51:44

Mbele mu Babilonia mungumwaha kastigu. Mungumuchiza mu kanwa chize hamina. Mavungu keshi kuya kuli iye nawa ngwe lwiji; chipanga cha Babilonia cha mawe hichapuzuka.

Ezekiel 29:11

Chipwe chiliato cha mutu kuchichi kapalikako, chipwe cha kashitu. Ha makumi awana a miaka atu kechi katwamamo.

Ezekiel 29:19

Kashika Mwene Yehova kanambe ngwenyi, Mungukahana chifuchi cha Engitu kuli Nabukanezore mwanangana wa Babilonia, mba iye makambata upite wako, ni kwiya, ni kupupa. Muchikapwa fweto ya tujita twenyi.

Ezekiel 30:13

Mwene Yehova kanambe ngwenyi, Mungukonwona mahamba, mungukasulisa tuponya mu Nofe. Kumuchi kapwa nawa mulemu mu chifuchi cha Engitu; chocho mungukakolesa woma chifuchi cha Engitu.

Daniel 11:8

Makambata mazambi jo, ni tuponya two a kuzuzulula, ni yuma yo yipema ya prata ni oru; makayitwala ku Engitu. Mba ha miaka yimwe mecha mwanangana wa ku Norte.

Zefania 2:11

Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

A-ROMA 13:12

Ufuku hiwahwa chikolo, mwalwa kuunakundama: tumbilenu kashika yitanga ya milima, tulipakatenu yitwa yeswe ya pangu.

Efesu 4:24

nukazale mutu mwaha, yoze hanamutange mu ululi ni usandu wamwenemwene nikulita ni Zambi.

Efesu 6:11

Zalenu mazalo a utale eswe a Zambi, hanga nukahase kumana ni kulimika ni unjiliji wa Ndiapu.

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

Kolosu 3:14

Helu lia yino yuma yeswe zalenu zango, lize liapwa muya wa ungunu.