Jeremia 43:11 - MUKANDA USANDU WA ZAMBI 1975

¹¹ Kumakeza ni kulamba chifuchi cha Engitu, ni kuhana ku chilungo waze hanaafunjikila chilungo, ni kukunjika ku ufunge waze hanaafunjikila ufunge, ni kukunjika ku katana waze hanaafunjikila katana.

Mukanda Wa Zambi 1970

¹¹ Nebukanezore makeza ni kwasa jita ni akwa Egiptu. Waze atela kufwa ni musongo, maakafwa ni musongo; waze atela kuya mu ufunge, maakaya mu ufunge; ni waze atela kufwa mu jita, maakafwa mu jita.

Jeremia 43:11 Iomraidhean Croise

Jobe 20:29

Chihanda cha chingulungulu cha kuli Zambi, chenacho; chihinga chize hamusela kuli Zambi.

Jeremia 15:2

Mba muze makuhula ngwo, Kulihi mutuya? Amba kuli ayo ngwe, Yehova kanambe ngwenyi, Waze hanaasela chilungo, aye ku chilungo, ni waze hanaasela katana, aye ku katana. Waze hanaasela kapunga, aye ku kapunga, ni waze hanaasela ufunge, aye ku ufunge

Jeremia 25:15

Yehova Zambi ya Izalele kanambe kuli yami ngwenyi, Tambula ku kwoko liami musenge uno wa vinyu ya ufwatulo ukanwise mavungu eswe kuze ngunakutumu.

Jeremia 25:19

Ni Falau mwanangana wa Engitu, tuvumbi twenyi, ni alemu jenyi, ni atu jenyi eswe.

Jeremia 42:22

Kashika nyingikenu pundu kumunukafwa ni katana, ni kapunga, ni chilungo mu chifuchi kuze nunazange kuya ni kutwama.

Jeremia 44:12

Mungutambula masalila ja A-Yunda wano hasa meso jo kwiza kutwama mu chifuchi cha Engitu mba eswe makakuwa. Mwe mu chifuchi cha Engitu makalimbuka. Makakuwa ni katana ni kapunga. Chize kuli mukepe ndo kuli munene eswe kumakakuwa ni katana ni kapunga; kumakalumuka sau, ni chuma cha mwongo, ni shingo, ni luchoko.

Jeremia 44:13

Munguhana kastigu kuli waze anatwama mu chifuchi cha Engitu chizechene ngwe nalambile Yerusaleme ni katana, ni kapunga, ni chilungo,

Ezekiel 29:11

Chipwe chiliato cha mutu kuchichi kapalikako, chipwe cha kashitu. Ha makumi awana a miaka atu kechi katwamamo.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Zakaria 11:9

Chocho yingwaamba ngwami, Chichi kapwa kafunga kenu. Yoze hamufunjikila kufwa, akafwe; yoze hamufunjikila kwonwona, amwonwone; waze malisalaho akalie musunya wo, umwe kuli mukwo ni mukwo.

Usolwelo 13:10

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.