Jeremia 43:10 - MUKANDA USANDU WA ZAMBI 1975

¹⁰ Mba muwamba kuli ayo ngwe, Yehova-wa-Tujita, Zambi ya Izalele kanambe ngwenyi, Kumungukatuma ngukasake kavumbi kami Nabukanezore mwanangana wa Babilonia mba iye kumakanuka ngunja yenyi he helu lia mawe wano hinavumbika; kumakazazulwilaho mbalaka yenyi ya wanangana.

Mukanda Wa Zambi 1970

¹⁰ Mba alweze ngwe, yami Mwene Zambi, Mukwa Ndundo Jeswe, Zambi ya Israele, munguneha kavumbi kami Nebukanezore wa Babilonia homa hano. Neye makasa chitwamo chenyi cha wanangana ha mawe wano hinwavumbika, makajika ho zuwo lia mwanangana lia makubu.

Jeremia 43:10 Iomraidhean Croise

1 Yitanga Ya Mianangana 20:12

Liji lino yiliheta kuli Mbene-Hadade shimbu machinwa ni mianangana hamuwika mu mbalaka. Yamba kuli tuvumbi twenyi ngwenyi, Lulikenu! O yalulika tujita kulimika ni chihunda.

1 Yitanga Ya Mianangana 20:16

O yatuhuka tangwa ha muchima alioze Mbene-Hadade kananu nikuzengewa mu mbalaka hamwe ni mianangana, e makumi atatu a mianangana ni mianangana aali waze anamukwasa.

Miaso (Masamu) 18:11

Watengele milima ngwe chiswamo chenyi, ngwe mbalaka yenyi; kulá cha meya; malelwa a pwi mwilu.

Miaso (Masamu) 27:5

Ha tangwa lia lamba mangusweka mu mbalaka yenyi, mwe muchima lia tabernakulu yenyi mangusweka. Kumanguzundula helu ha liwe.

Miaso (Masamu) 31:20

Muasweka mu chiswamo kumeso je, kuchina punga ya atu. Muasweka ku tenga mu mbalaka ye, kuchina kulitachika cha malimi.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Izaya 45:1

Yami Yehova ngunambe kuli Siru yoze nawayishile ni maji, ngwami, nakwachile ku kwoko lienyi lia chindume hanga akapokwese mavungu kumeso jenyi, akajitule miya ya mianangana, akazulule mapito kumeso jenyi hanga kechi kahasa kwajilako.

Jeremia 1:15

Mumu Yehova kanambe ngwenyi, Ngunasanyika minyachi yeswe ya mawanangana a ku Norte. Kumakeza mba mweswe hakachi ko masa ngunja yenyi ku unjililo wa yikolo ya Yerusaleme, kulimika ni yipanga-ya-mawe yayo yeswe ya kujingilika ni yihunda yeswe ya Yunda.

Jeremia 43:9

ngwenyi, Anda mu moko je mawe anene, ukaavumbike mu ndambo ya mawe ku unjililo wa zuwo lia Falau mu Tafane, kumeso ja malunga ja A-Yunda.

Jeremia 46:13

Liji Yehova wambile kuli profeta Jeremia ha kutwala ku kwiza cha Nabukanezore mwanangana wa Babilonia akalambe chifuchi cha Engitu, ngwenyi,

Jeremia 49:38

mba mungukakolesa ngunja yami mu Elame ngukanongese mwanangana wo ni alemu jo. Chocho kanambe Yehova.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Mateu 22:7

Muze mwanangana achivwile, watenukine, watumine mbunga ya maswalale jenyi, wonwene yingalwe aze, mba wochele limbo lio.