Jeremia 42:6 - MUKANDA USANDU WA ZAMBI 1975

⁶ Lipwe lipema, lipwe lipi, mutwononoka ku liji lia Yehova Zambi yetu kuze tunanutumu, hanga chikawahe ni yetu ha kwononoka ku liji lia Yehova Zambi yetu.

Mukanda Wa Zambi 1970

⁶ Chibwe maliji abema hanji abi, mutwononokena Mwene Zambi, Zambi yetu, yoze hitwakwamba kutulembela. Yeswe muyiwaha nyi twamwononokena.”

Jeremia 42:6 Iomraidhean Croise

Miaso (Masamu) 128:2

Mumu kumukalia cha kuhondangana cha moko je. Kumukawaha, kumuchikapwa kanawa ni yena.

Miaso (Masamu) 78:36

Alioze amupepiekele ni makanwa jo. Ahanjikile mahuza kuli iye ni malimi jo.

Kutuhuka 24:7

Iye yanda we mukanda wa usendo, yautanga hanga atu akevwe. O yamba ngwo, Ye yeswe hahanjika Yehova yetu kumutukayilinga. Kumutukononoka.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Jeremia 22:15

Unamono ngwe uli mwanangana mumu wakweseka kuhiana akwenu ni sedru? Tatenu te kalile, kanwine, shimbu mapatula nikulita ni kulinga ululi? Miaka yize te kanawaha.

Jeremia 43:4

Chocho Johanane mwana Karea, ni tusongo eswe a maswalale, ni e atu eswe kononokene ku liji lia Yehova, akatwame mu chifuchi cha Yunda.

Jeremia 7:23

Alioze naahele shimbi yino ngwami, Ononokenu ku liji liami mba mungupwa Zambi yenu ni yenu munupwa atu jami. Endenu mu jila yeswe mungunwamba hanga chikapwe kanawa ni yenu.

A-ROMA 7:13

Mba ye yipema yalumukine kufwa kuli yami, nyi? Ka, pundu. Alioze shili, hanga yikasoloke shili pundu, yalingile kufwa muli yami, ku yipema; hanga shili yikapwe yipi yahiana mumu ha shimbi.

A-ROMA 7:7

Mba kuchi mutwamba? Ngwetu, Shimbi yinapu shili, nyi? Ka, pundu. Alioze Chanyingikine shili shina ku shimbi; mumu Chanyingikine kuzo shina shimbi yambile ngwo, Kanda wivwa kuzo:

A-ROMA 8:7

Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela;

Shimbi 5:27

Ukundame wivwe yeswe Yehova Zambi yetu mamba; uhanjike ni yetu yeswe Yehova Zambi yetu mamba kuli yena; mutuyivwa, mutuyilinga.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Yoshua 24:24

Atu yamba kuli Yoshua ngwo, Yehova Zambi yetu mutumulingila; liji lienyi mutuliononokena.