Jeremia 42:5 - MUKANDA USANDU WA ZAMBI 1975

⁵ O yamba kuli Jeremia ngwo, Yehova apwe chela wamwenemwene wa kushishika kutushindakenya nyi kutwalingile nikulita ni liji lieswe Yehova Zambi yenu manutuma nalio kuli yetu.

Mukanda Wa Zambi 1970

⁵ Mba yangwamba ngwo: “Mwene Zambi atubatwile nyi kutwononokene ku Shimbi jeswe jize matwaha.

Jeremia 42:5 Iomraidhean Croise

Ubutukilo 31:50

Nyi mupinjisa anami a mapwo, hanji muhalika nawa mapwo akwo hamwe no, lunga kutushi nenyi; alioze Zambi akapwe chela hakachi ka yami ni yena.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Jeremia 42:20

ngwami, Hinwapiasuka nukatokese mwono wenu. Nwangutumine kuli Yehova Zambi yenu ngwenu, Nutulembele kuli Yehova Zambi yetu, mba cheswacho Yehova Zambi yetu mamba, hinutulweze mba mutuchilinga.

Jeremia 43:2

Azaria mwana Hoshaia ni Johanane mwana Karea ni akwa shino eswe ambile kuli Jeremia ngwo, Mahuza unambe. Yehova Zambi yetu kakutumine ukambe ngwe, Kanda nuya ku Engitu nutwameko.

Jeremia 43:4

Chocho Johanane mwana Karea, ni tusongo eswe a maswalale, ni e atu eswe kononokene ku liji lia Yehova, akatwame mu chifuchi cha Yunda.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Mika 1:2

Ivwenu enu eswe akwa mavungu; panjika ena hashi ni yuma yeswe yiliho, hanga Mwene Yehova akapwe chela wa kunushindakenya, mwe Mwene ku tembele yenyi yisandu.

Malaki 2:14

Nwakwamba ngwenu, Kuchi te kautambwile? Mumu Yehova wapwile chela cha usendo hakachi ka yena ni pwo lia ukweze we. Kwalalaminyine kuli iye, chipwe wapwile sepa lie ni pwo lie wa usendo.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

A-ROMA 1:9

Mumu Zambi iye chela chami, yoze nakumulingila ni spiritu yami mu sango lipema lia Mwanenyi, ngwe nakunuvulwoka mu yilemba yami nikulitwamina nichimwe;

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,

Akwa Kuyula 11:10

Makulwana a Ngiliate yamba kuli Jefeta ngwo, Yehova iye chela hakachi ketu, pundu mutulinga ngwe hiwamba.

1 Samuel 12:5

Iye yamba kuli ayo ngwenyi, Yehova chela kuli yenu, ni yono hanawayisa ni maji iye nawa chela musono cha kwamba ngwenu, Kutwawanyine nichimwe mu kwoko lienyi, nyi? O ngwo, Iye chela.

1 Samuel 20:42

Jonatas yamba kuli David ngwenyi, Uye kanawa, se etu eswe ni aali hitwalishinga ni jina lia Yehova ngwetu, Yehova mapwa hakachi ka yami ni yena ni hakachi ka chisemuko cha yami ni chisemuko cha yena ndo ku miaka ya mutolo. David yakatuka yaya. Jonatas wayile mu limbo.