Jeremia 42:2 - MUKANDA USANDU WA ZAMBI 1975

² yamba kuli profeta Jeremia ngwo, Kuliumba chetu chikahete kumeso jenu nukatulembele kuli Yehova Zambi yenu, hali yetu eswe twasala, mumu twasala akehe wika hakachi ka anji ngwe meso jenu anatumono.

Mukanda Wa Zambi 1970

² yaamba ngwo: “Twalemba mwane, tulingile kama chize tunambe! Tulembele kama Mwene Zambi, Zambi yetu, eswe waze twasala ni mwono. Twabwile anji, alioze haliabwila hitwasala akepe wika, ngwe chize unalimwena.

Jeremia 42:2 Iomraidhean Croise

1 Yitanga Ya Mianangana 13:6

Mba mwanangana yakumbulula yamba kuli mutu wa Zambi ngwenyi, Lembelela vumbi lia Yehova Zambi ye ungulembele kama kwoko liami likahinduke nawa. Mutu wa Zambi waliumbile kuli Yehova mba kwoko lia mwanangana yilihinduka lialumukine ngwe liapwile kunyima.

Miaso (Masamu) 119:170

Kuliumba chami chikahete kumeso je, ungupulule nikulita ni liji lie.

Kutuhuka 8:28

Falau yamba ngwenyi, Mungunwecha nuye, nukalambule kuli Yehova Zambi yenu yitapo mu puya; chino wika, kanda nuya kusuku. Liumbenu hali yami.

Kutuhuka 9:28

Hikwahwa, liumbenu kuli Yehova. Kukulunguza cha ngolo ni chiwe chipatuke. Mungunwecha nuye. Kunuchi kashimbula nawa, ka.

Izaya 1:15

Muze munuzoza moko jenu, mungunuswekela meso jami; chipwe munulemba lembie-e-e, chichi kunwivwa. Moko jenu hazala ni manyinga.

Izaya 1:9

Nyi kachi Yehova-wa-Tujita katuhichikilile amwe akehe a kulisalaho, kachi twapwa ngwe Sondome, kachi twalumuka ngwe Ngomora.

Izaya 37:4

Hanji muchipwa Yehova Zambi ye mevwa maliji a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji aze Yehova Zambi ye hevwa. Kashika uchilembele kama waze asala.

Izaya 42:20

Yuma yinji anamono alioze kayipalile; matwi jenyi awashi alioze kapanjikile.

Jeremia 15:11

Chikapwe chocho Yehova, nyi chaahakwilile kuli yena akawahe; nyi chahakwilile akwa kole kumeso je ha mwaka wa lamba ni ha mwaka wa luyinda.

Jeremia 2:27

Waze akutongola mutondo ngwo, Uli tata. Ku liwe mamba ngwo, Wangusemene. Mumu hangumba nyima, kangutalikishile meso jo. Hindu ha mwaka wa lamba lio kakwamba ngwo, Katuka utulamwine!

Jeremia 21:2

Nutuhulile kuli Yehova, mumu Nabukanezore mwanangana wa Babilonia kanase jita ni yetu. Hanji Yehova malinga ni yetu nikulita ni yitanga yenyi ya kukomwesa, akamuhilwise atuhichike.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 37:20

Kashika panjikenu kama, mwene wami mwanangana. Kuliumba chami cha vumbi chikahete kumeso jenu, kanda nunguhilwisa nawa ku zuwo lia mukwa kusonyeka Jonatas kuchina mungufwilako.

Jeremia 37:3

Mwanangana Zedekia yatuma Jukale mwana Shelemia, ni sasendote Zefania mwana Maseia kuli profeta Jeremia ngwenyi, Utulembele kuli Yehova Zambi yetu.

Jeremia 38:14

Mwanangana Zedekia yasaka profeta Jeremia yahanjika nenyi ku unjililo wamuchitatu wa zuwo lia Yehova. Mwanangana yamba kuli Jeremia ngwenyi, Mungukuhula chuma, kanda unguswekela nichimwe.

Jeremia 40:15

Mba Johanane mwana Karea yamba kuli Gedalia ku lumbu ukawo mu Mizepa ngwenyi, Ngutayize, nguye ngukashihe Ishemali mwana Netania mba niumwe machinyingika. Kuchi te makushiha? Nyi chocho malinga, A-Yunda eswe wano eswe anakungulukila kuli yena makamwanangana, mba masalila ja A-Yunda makakuwa.

Jeremia 42:20

ngwami, Hinwapiasuka nukatokese mwono wenu. Nwangutumine kuli Yehova Zambi yenu ngwenu, Nutulembele kuli Yehova Zambi yetu, mba cheswacho Yehova Zambi yetu mamba, hinutulweze mba mutuchilinga.

Lungungu 1:1

Chihunda chinatwama kulungunga, chize chapwile cha tò ni atu mama yami! Hichinalumuka ngwe tuliwa, chapwile chinene hakachi ka mavungu. Chapwile ni chiyulo hakachi ka yihunda hichalumuka kapinji!

Ezekiel 12:16

Hindu mungutayiza amwe kuputuka ku katana, ni ku kapunga, ni ku chilungo, hanga akatayize yuma yo yeswe ya lwaji hakachi ka mavungu kuze anayi, akanyingike yami nguli Yehova.

Hosea 8:10

Chipwe mafweta akwa kwakwasa hakachi ka mavungu fuji mungwakonga. Mba makalitwamina ha shimbu limwe ku chiteli cha mianangana ni alemu.

Alevi 26:22

Mungutusula ngongo hakachi kenu kumakanwiya ana jenu, kumakanwonwona yimuna jenu. Kumakanutepulula hanga jila jenu jikalumuke puya.

Amose 7:2

Muze te hamana kulia mwambu weswe wa chifuchi nambile ngwami, Mwene Yehova ngunaliumbu Ukonekene kama! Yakomba kuchi mahasa kulikoleza? Aye wakeha Chichize.

Mateu 24:22

Nyi kachi matangwa aze kaatepulwileko, kachi mutu niumwe malilamwina; alioze mumu hali waze hanaatongola, matangwa aze kumakatepuluka.

Yilinga 8:24

Semone wakumbulwile ngwenyi, Ngulembelenu kuli Mwene, hanga nichimwe cha yuma yino hiwamba kuchichi keza hali yami.

Shimbi 28:62

Chipwe nwapwile mbunga ngwe matongonoshi a mwilu makanuhichika piliwiji, mumu kunwapanjikile ku liji lia Yehova Zambi yenu.

Shimbi 28:63

Chizechene ngwe Yehova wawahililile hali yenu mukunulinga yipema, mukunwokesa, chocho Yehova makawahilila hali yenu mukunukuwisa, mukunwonwona, makanuchangumuna ku chifuchi nunayi kuzuka.

Shimbi 4:27

Yehova kumakanumwanga hakachi ka mavungu. Munukasala piliwiji hakachi ka mavungu kuze Yehova makanumwangina.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

1 Samuel 12:19

Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

1 Samuel 7:8

A-Izalele yamba kuli Samuel ngwo, Kanda ulitwamina kutuhakwila kuli Yehova Zambi yetu akatulamwine kuli A-Filistea.