Jeremia 42:18 - MUKANDA USANDU WA ZAMBI 1975

¹⁸ Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Mukanda Wa Zambi 1970

¹⁸ “Mwene Zambi, Zambi ya Israele, kanambe ngwenyi: ‘Ngwe chize nevwilile akwa Yerusaleme ufwatulo ni utenu, Chenacho nawa mungunuvwila yenu nyi nwaya ku Egiptu. Munukevwa mwongo; atu maakanulelesa, maakashingana ni jina lienu. Chifuchi chino kunuchi kachimona nawa.’ ”

Jeremia 42:18 Iomraidhean Croise

2 Sango Ja Mianangana 34:25

Mumu hanangwehuka; hanochela insensu mazambi akwo akangwihie ku utenu ni yitanga yeswe ya moko jo. Kashika ufwatulo wami unazukuka ha chifuchi chino, mba kuuchi kahola.

Izaya 30:3

Kashika tachi ja kunufunga ja Falau mujalumuka sonyi jenu, kuchinyina ku Chizulie cha Engitu muchiza kunulelesa.

Izaya 65:15

Munukahichika jina lienu ngwe shingo kuli waze naatongwele, mba Mwene Yehova makanushiha; alioze matuka tuvumbi twenyi jina lieka.

Jeremia 18:16

Hanalumuna chifuchi cho chuma cha mwongo, chuma cha kusoza ndo ku miaka. Mweswe mapalikako mevwa mwongo, ni kuhunga mutwe wenyi.

Jeremia 22:27

Alioze ku chifuchi cho akuchivwila usona kechi kezako nawa.

Jeremia 23:40

Mba mungunukokela luchoko wa mutolo ni sonyi ja miaka yeswe jize kechi kajivulama.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 29:22

Ha mukunda wo shingo lino malishinga nalio njize eswe ja A-Yunda waze ali mu Babilonia ngwo, Yehova akupwise ngwe Zedekia ni Ahabe waze mwanangana wa Babilonia wochele ni kahia.

Jeremia 33:5

A-Kaletea kananjila mukwasa jita ni kwazalisa ni mijimba ya afu aze mungulamba mu utenu wami ni ufwatulo wami, mumu hinaswekela meso jami chihunda chino mumu ha ungulungulu wo.

Jeremia 44:12

Mungutambula masalila ja A-Yunda wano hasa meso jo kwiza kutwama mu chifuchi cha Engitu mba eswe makakuwa. Mwe mu chifuchi cha Engitu makalimbuka. Makakuwa ni katana ni kapunga. Chize kuli mukepe ndo kuli munene eswe kumakakuwa ni katana ni kapunga; kumakalumuka sau, ni chuma cha mwongo, ni shingo, ni luchoko.

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 44:6

Kashika ufwatulo wami ni utenu wami hinauzukula ni kuusambiza mu yihunda ya Yunda ni mu matapalo ja Yerusaleme. Ayo hiyalumuka yamokomoko ni ya hululu ndo tangwa lia musono.

Jeremia 44:8

Kuchi te nwakungwihia ni yitanga ya moko jenu ni kwochela insensu mazambi eka muno mu chifuchi cha Engitu hinweza kutwama? Ngukanutete, nukalumuke shingo ni luchoko hakachi ka mavungu eswe a hashi?

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Lungungu 2:4

Hanana uta wenyi ngwe mukwa kole ni kwoko lienyi lia chindume lia kusa ngwe mukwa kulimika. Hanashihi kulengumuka cheswe cha meso jetu mu mbalaka ya mwana-pwo Zaione; hanazukula ufwatulo wenyi ngwe kahia.

Lungungu 2:6

Hanapuzula chisakila chenyi ngwe chimwe cha kutunga ku naka. Hanapwisa ngundu chihela chenyi cha yiwanyino ya kufunjika. Mu Zaione Yehova hanasulisa yiwanyino ya kufunjika ni masambata. Mu matoto jenyi asasu hanambila ni mwanangana ni sasendote.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 20:34

Mungukanuchiza hakachi ka mavungu; mungukanukonga ku yifuchi kuze nunamwanganyina, ni kwoko lia ndundo ni lia kuzoza, ni ufwatulo wa kuzukula.

Ezekiel 22:22

Ngwe prata kakusangunuka mu lutengo chocho ni yenu nawa munukasangunukamo mba munukanyingika yami Yehova hinazukula ufwatulo wami hali yenu.

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Hosea 7:16

Kakutala kuli Mbale; o kapwa ngwe uta wa mafwefwe. Alemu jo makafwa ni katana mumu ha shino lia malimi jo. Chocho maakekuna mu chifuchi cha Engitu.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Kwalula 5:27

Muze iye hamunwisa e meya, mba nyi pwo halichisa, nyi havulumuna mukwo-lunga, meya a kuneha shingo makamunjila, makapwa asasu, mujimba wenyi muukajimba, chitongo chenyi muchikasosewa. Mwe pwo makashingiwa hakachi ka atu jenyi.

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.