Jeremia 42:17 - MUKANDA USANDU WA ZAMBI 1975

¹⁷ Malunga eswe waze anase meso jo kuya ku Engitu kutwama kumakafwilako ni katana, ni kapunga, ni chilungo. Kechi kapwa ni masalila hanji waze kechi kufwa ku yikalu yize mungwakokela.

Mukanda Wa Zambi 1970

¹⁷ Atu eswe waze anyongene kuya ni kutwama mu Egiptu maakafwila mu jita, hanji ni zala, hanji ni musongo. Niumwe wa kuli ayo kechi kasala ni mwono. Niumwe kechi kachina lamba lize mungukanumwesa.’

Jeremia 42:17 Iomraidhean Croise

Jeremia 24:10

Mungutuma kuli ayo katana, ni kapunga, ni chilungo ndo hakuwa ku chifuchi chize nahanyine kuli ayo ni kuli tulamba two.

Jeremia 38:2

Yehova kanambe ngwenyi, Mweswe matwama mu chihunda chino kumafwa ku katana, ni kapunga, ni chilungo. Alioze mweswe maya haze kuli A-Kaletea matwama ni mwono. Kumamwaha mwono wenyi ngwe upite wa jita; kumatwama ni mwono.

Jeremia 42:15

Nyi chocho munwamba, hipanjikenu liji lia Yehova, enu masalila ja A-Yunda. Yehova-wa-Tujita, Zambi ya Izalele kanambe ngwenyi, Nyi munusa meso jenu kuya ku Engitu, nuye nukatwameko,

Jeremia 42:22

Kashika nyingikenu pundu kumunukafwa ni katana, ni kapunga, ni chilungo mu chifuchi kuze nunazange kuya ni kutwama.

Jeremia 44:28

Waze kechi kafwa ni katana makakatuka ku chifuchi cha Engitu akahiluke ku chifuchi cha Yunda a piliwiji wika hanga masalila ja A-Yunda waze ejile kutwama mu chifuchi cha Engitu kumakanyingika liji lize mulikola shina nihami, nyi shina nilio.

Ezekiel 11:8

Nwavwila woma katana, mba mungunukokela katana. Chocho kanambe Mwene Yehova.