Jeremia 42:16 - MUKANDA USANDU WA ZAMBI 1975

¹⁶ mba katana nunamuvwila woma makanuwana ku chifuchi cha Engitu, ni kapunga yoze nunamuvwila woma makanukaula kwe ku Engitu, mba kwenako munukafwila.

Mukanda Wa Zambi 1970

¹⁶ mba jita yize nunevwila woma muyikanuwana, ni zala yize nunakachina muyikanukaula, munukafwila mu Egiptu.

Jeremia 42:16 Iomraidhean Croise

Yishima 13:21

Yipi kuyakukaula akwa shili; alioze mukwa ululi makamwononona ni yipema.

Jeremia 27:8

Alioze nyi vungu limwe hanji wanangana umwe kechi kalingila yono Nabukanezore mwanangana wa Babilonia; kechi katá kusa makota jo mu kanga ya mwanangana wa Babilonia, munguhana kastigu ku vungu lize ni katana, ni kapunga, ni chilungo ndo hinaanongesa ku kwoko lienyi. Chocho kanambe Yehova.

Jeremia 41:18

mumu ha mukunda wa A-Kaletea. Aavwilile woma mumu Ishemali mwana Netania hashiha Gedalia mwana Ahikame, yoze mwanangana wa Babilonia hasela kuyula chifuchi.

Jeremia 42:13

Alioze nyi munwamba ngwenu, Kutuchi kutwama mu chifuchi chino, ni kukolema ku liji lia Yehova Zambi yenu

Jeremia 44:27

Pundu, ngunatale kuli ayo kwalinga yikalu, hi yipema ko. A-Yunda eswe waze ali mu chifuchi cha Engitu makakuwa ni katana ni kapunga ndo makahwa lume.

Ezekiel 11:8

Nwavwila woma katana, mba mungunukokela katana. Chocho kanambe Mwene Yehova.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Yoano 11:48

Kachi mutumwecha chocho, kachi eswe makamufuliela, ni A-Roma makeza, makachiza ni muhela wetu ni vungu lietu.

Shimbi 28:15

Nyi kunuchi kapanjika ku liji lia Yehova Zambi yenu, ni kukanyama kulinga shimbi jenyi jeswe, ni yiyulo yenyi ngunanwambeyo musono, mba mashingo ano eswe makapwa hali yenu, makanuwana.

Shimbi 28:22

Yehova makanulamba ni musongo wa mukaka, ni kachiki, ni chivukuminya chá ku mujimba, ni kusasaminya cha kahia, ni katana, ni kukonyata, ni kuunda. Muyikanuhanga ndo munukakuwa.

Shimbi 28:45

Mashingo ano eswe makapwa kuli yenu, makanuhanga, makanuwana, ndo makanwonwona, mumu te kunwapanjikile ku liji lia Yehova Zambi yenu, mukufunga maliji jenyi a shimbi, ni yiyulo yenyi iye wanwambile.