Jeremia 41:9 - MUKANDA USANDU WA ZAMBI 1975

⁹ Wina wa meya muze Ishemali yanyasa mijimba yeswe ya malunga aze hashiha, wapwile wina unene uze te mwanangana Asa walingile ha kulikwasa mu jita ni Mbasha mwanangana wa Izalele. Ishemali mwana Netania yauzalisa ni waze hashiha.

Mukanda Wa Zambi 1970

⁹ Shima lize Ishmaele ambilile malunga waze ashihile liabwile linene. Mwanangana Asa walifulile muze ashile jita ni mwanangana Basha wa Israele. Ishmaele yalizalisa ni malunga waze ashihile.

Jeremia 41:9 Iomraidhean Croise

2 Samuel 17:9

Haliapwila haswama mu wina umwe hanji kweka. Muchipwa nyi amwe atu mahanga kufwa mweswawo machivwa mamba ngwenyi, Hashiha anji hakachi ka waze anakaula Absalome.

Izaya 14:19

alioze yena hakumbila kusuku ni fuka lie, ngwe umwe wa kuvwisa lwaji, wa kufuka ni mijimba ya waze haashiha, waze haatuwa tutana, akupalumuka ndo ku mawe a mu jondo, ngwe mujimba wa mufu wa kuliachila mu mavu.

Hebreu 11:38

(akwa hashi kaatelele), achamanganyine mu puya ni ha milundu, ni mu yivwenge, ni mu mena a hashi.

Akwa Kuyula 6:2

A-Mindiane akumbile A Izalele mba A-Izalele alilingilile mena a kuswamina mu milundu, hi yivwenge, ni mbonge, mumu ha tachi ja A-Mindiane.

1 Samuel 13:6

Muze malunga A-Izalele amwene ngwo, Twasakaminya (mumu atu alifwichile) mba aswamine mu yivwenge, ni mu usaki, ni mu yimawe, ni mu pembo, ni mu mena.

1 Samuel 14:11

Chocho eswe ni aali asotokele kuli maswalale ja A-Filistea. Mba A-Filistea yamba ngwo, Talenu, A-Hepreu kanatuhuka mu mena jo kuze aswamine.

1 Samuel 14:22

Chipwe malunga eswe A-Izalele waze haswama mu chifuchi cha Eframe ku milundu, muze hevwa ngwo, A-Filistea hachina, chipwe o nawa aahangile chikolo mu jita.

1 Samuel 24:3

Mu jila yaheta ku malimba a mapanga kuze kuli chivwenge mba Saulu yanjilamo kutwama hashi. David ni malunga jenyi te kanatwama mwe muchima lia chivwenge.