Jeremia 41:8 - MUKANDA USANDU WA ZAMBI 1975

⁸ Alioze kwapwile kumi lia malunga hakachi ko ambile kuli Ishemali ngwo, Kanda utushiha mumu tuli ni tiliku, ni sevada, ni maji ni wuchi, yeswe ya kutulika, ya kusweka mu minda. Chocho yalitwamina; kaashihile hamwe ni masepa jo.

Mukanda Wa Zambi 1970

⁸ Alioze yikubwa malunga kumi mu mbunga waze ahanjikile kuli Ishmaele ngwo: “Twalemba mwane, kanda nutushiha mwane! Tuli ni tiriku, ni masa, ni maji a olive, ni wuchi yakusweka mu minda.” Kashika kaashihile ko.

Jeremia 41:8 Iomraidhean Croise

Jobe 2:4

Satana yakumbulula Yehova ngwenyi, E, chikowa ha chikowa. Mutu mecha yeswe ali nayo ha kulamwina mwono wenyi.

Yishima 13:8

Ndando ya kukula mwono wa mutu upite wenyi; alioze chiswale keshi kwivwa kukanjisa.

Izaya 45:3

Mungukwaha upite wa milima ni yuma ya kulumbika ku tenga ukanyingike yami Yehova, Zambi ya Izalele, ngunakusanyika ni jina lie.

Jeremia 41:9

Wina wa meya muze Ishemali yanyasa mijimba yeswe ya malunga aze hashiha, wapwile wina unene uze te mwanangana Asa walingile ha kulikwasa mu jita ni Mbasha mwanangana wa Izalele. Ishemali mwana Netania yauzalisa ni waze hashiha.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Mateu 6:25

Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?