Jeremia 41:7 - MUKANDA USANDU WA ZAMBI 1975

⁷ Ha kuheta mu chihunda, Ishemali mwana Netania ni malunga aze ali no yaashiha, nikwambila mu wina wa meya.

Mukanda Wa Zambi 1970

⁷ Muze haanjila mu limbo, Ishmaele ni malunga waze abwile hamwe nenyi yaashiha malunga waze, yaambila mu shima.

Jeremia 41:7 Iomraidhean Croise

1 MIANANGANA 15:25

Peka mwana Remalia kapitau kenyi yamutwama punga; yamulamba mu Samaria, mu mbonge ya zuwo lia mwanangana, hamwe ni Argobe ni Ariehe. Wapwile ni makumi atano a malunga A-Ngiliate, mba yamushiha, yamusalakana mu wanangana.

Miaso (Masamu) 55:23

Alioze yena Zambi kumukaalundumwina mu jondo ya kwonwona. Malunga a kumwanga manyinga ni kwonga kechi kuheta hakachi ka matangwa jo. Hindu yami mungukufuliela.

Yishima 1:16

mumu molu jo kakutambuka ku yipi, kakulipupwisa kumwanga manyinga.

Izaya 14:19

alioze yena hakumbila kusuku ni fuka lie, ngwe umwe wa kuvwisa lwaji, wa kufuka ni mijimba ya waze haashiha, waze haatuwa tutana, akupalumuka ndo ku mawe a mu jondo, ngwe mujimba wa mufu wa kuliachila mu mavu.

Izaya 59:7

Molu jo kakuzomboka ku yipi, kakutambuka kumwanga manyinga a kusamba. Manyonga jo manyonga a uhenge, kwenyeka ni kwonwona yapwa mu majila jo.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

A-ROMA 3:15

molu jo akutambuka kumwanga manyinga;