Jeremia 41:2 - MUKANDA USANDU WA ZAMBI 1975

² Ishemali mwana Netania ni e kumi lia malunga hamuwika, yakatuka, yalamba Gedalia mwana Ahikame mwana Shafane ni katana, yamushiha, yoze mwanangana wa Babilonia hamusa mukwa kuyula chifuchi.

Mukanda Wa Zambi 1970

² Ishmaele ni malunga kumi yaatomona mikwale yo, yaashiha Gedaliya.

Jeremia 41:2 Iomraidhean Croise

2 Samuel 3:27

Muze Abenere haheta ku Heprone, Joabe yamutwala ku lumbu mwe mu chikolo akahanjike nenyi ukawo. Kuze kwene yamutuwa mu jimo Chocho yafwa mumu ha manyinga a Asahele mwanakwo wa Joabe.

1 MIANANGANA 25:25

Ahoze ha kakweji wamuchishimbiali Ishemali mwana Netania mwana Elisama wa munyachi wa wanangana yeza ni kumi lia malunga; yalamba Gedalia mba iye yafwa hamwe ni A-Yunda ni A-Kaletea aze apwile no ku Mizepa.

Miaso (Masamu) 109:5

O hanangwehe yipi ha yipema. Hananeha kole ha zango liami.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Jeremia 40:14

yamba kuli iye ngwo, Unanyingika Balisi mwanangana wa A-Amone hatuma Ishemali mwana Netania akakushihe? Alioze Gedalia mwana Ahikame kasolo kwafuliela.

Jeremia 40:16

Alioze Gedalia mwana Ahikame yamba kuli Johanane mwana Karea ngwenyi, Kuchi kulinga chuma chino mumu Ishemali unamulamikiza.

Jeremia 40:5

Nyi unazange kusala, hihiluka kuli Gedalia mwana Ahikame mwana Shafane yoze mwanangana wa Babilonia hatongola akapwe mukwa kuyula yihunda ya Yunda, Utwame hamwe nenyi hakachi ka e atu ukaye kweswako unamono ngwe kunakupemena kuya. Chocho kapitau ka tulayi yamwaha kulia cha tangwa ha tangwa ni chawana nawa, yamutusula.

Jeremia 40:7

Tusongo eswe a maswalale aze apwile mu chifuchi haze lia yihunda hamwe ni atu jo muze hevwa ngwo, Mwanangana wa Babilonia hasa Gedalia mwana Ahikame mukwa kuyula chifuchi ni kumwaha malunga, ni mapwo, ni ana, e yiswale lume a mu chifuchi waze kaatwalile ku unjize mu Babilonia,

Jeremia 40:8

o yaya kuli Gedalia ku Mizepa—Ishemali mwana Netania, Johanane ni Jonatas ana ja Karea, ni Seraia mwana Tanumete, ni ana ja Efaia Ka-Netofate, ni Jezania mwana wa mwe mukwa Maka—o ni atu jo.

Jeremia 41:3

Ishemali yashiha nawa A-Yunda eswe waze apwile hamwe ni Gedalia ku Mizepa, ni maswalale ja A-Kaletea aze apwileko.

Yoano 13:18

Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.