Jeremia 41:16 - MUKANDA USANDU WA ZAMBI 1975

¹⁶ Mba Johanane mwana Karea ni tusongo eswe a maswalale hamwe nenyi, yatambula atu aze eswe asalile waze Ishemali mwana Netania achijile ku Mizepa funge, muze hashiha Gedalia mwana Ahikame—maswalale, ni mapwo, ni ana, ni aunuku, waze eswe yaneha ku Ngibeone.

Mukanda Wa Zambi 1970

¹⁶ Hohene Johanane ni miata a tujita waze abwile hamwe nenyi yaatambula atu waze Ishmaele akwachile ku Mizpa muze haashiha Gedaliya; ni tujita, ni mapwo, ni ana, ni malunga akutunguna.

Jeremia 41:16 Iomraidhean Croise

1 MIANANGANA 25:23

Muze tupitau twa tujita ni atu jo hevwa ngwo, Mwanangana wa Babilonia hasela Gedalia kuyula, yeza kuli Gedalia ku Mizepa; Ishemali mwana Netania, ni Johanane mwana Karea, ni Seraia mwana Tanumete Ka-Netofate, ni Jazania mwana wa mwe Ka-Maka, o eswe ni atu jo.

Jeremia 41:10

Mba Ishemali yakwata ufunge atu akwo eswe waze apwile mu Mizepa, ana a mwanangana a mapwo ni atu eswe waze asalile mu Mizepa, te Nabuzaradane kapitau ka tulayi haakunjika kuli Gedalia mwana Ahikame. Ishemali mwana Netania yaakwata ufunge, yakatuka akaye kuli A-Amone.

Jeremia 42:8

Aye yasanyika Johanane mwana Karea ni tusongo eswe a maswalale waze apwile no, ni atu eswe chize kuli akepe ndo kuli anene.