Jeremia 40:7 - MUKANDA USANDU WA ZAMBI 1975

⁷ Tusongo eswe a maswalale aze apwile mu chifuchi haze lia yihunda hamwe ni atu jo muze hevwa ngwo, Mwanangana wa Babilonia hasa Gedalia mwana Ahikame mukwa kuyula chifuchi ni kumwaha malunga, ni mapwo, ni ana, e yiswale lume a mu chifuchi waze kaatwalile ku unjize mu Babilonia,

Mukanda Wa Zambi 1970

⁷ Amwe miata ja Ayuda ni tujita yaalituna kulikunjika kuli mwanangana wa Babilonia. No yeevwa ngwo, mwanangana wa Babilonia hapwisa Gedaliya mukwa kuyula mu chifuchi, hamutongola kuyula yiswale eswe waze kaatwalile ko mu undungo mu Babilonia.

Jeremia 40:7 Iomraidhean Croise

1 MIANANGANA 25:12

Alioze mwe kapitau ka tulayi yahichika yiswale a chifuchi apwe akwa kululika mitondo ya uva ni akwa kulima.

1 MIANANGANA 25:4

Henaho yalokola chipanga cha chihunda, mba tujita eswe yachina ha ufuku jila ya chikolo cha hakachi ka yipanga yiali kwe ku munda wa mwanangana. (A-Kaletea o analimika ni chihunda kweswe kwa kujingilika), mba mwanangana yayila jila ya ku Arapa.

Jeremia 39:10

Nabuzaradane kapitau ka tulayi yahichika mu chifuchi cha Yunda amwe atu yiswale keshi upite, yaaha minda ya uva ni mande hamuwika.

Jeremia 39:14

yatuma kuchiza Jeremia ku yize ya tulayi. Yamukunjika kuli Gedalia mwana Ahikame mwana Shafane, akamutwale ku zuwo lienyi. Chocho yatwama hakachi ka e atu.

Jeremia 39:4

Muze Zedekia mwanangana wa Yunda ni maswalale eswe aamwene, yachina, nikukatuka ku chihunda ha ufuku ku munda wa mwanangana, ku chikolo hakachi ka yipanga yiali ya mawe. Yatalikisa ku Arapa.

Jeremia 39:9

Mba Nabuzaradane kapitau ka tulayi, yatwala ku unjize mu Babilonia atu aze asalile mu chihunda, ni waze hachinyina kuli iye, ni atu akwo.

Jeremia 41:1

Ha kakweji wamuchishimbiali Ishemali mwana Netania, mwana Elisama, wa ku munyachi wa mwanangana, umwe wa hakachi ka tuliamanga alutwe a mwanangana yeza ni kumi lia malunga kuli Gedalia mwana Ahikame ku Mizepa. Shimbu machilia hamuwika kuze kwene ku Mizepa

Jeremia 41:10

Mba Ishemali yakwata ufunge atu akwo eswe waze apwile mu Mizepa, ana a mwanangana a mapwo ni atu eswe waze asalile mu Mizepa, te Nabuzaradane kapitau ka tulayi haakunjika kuli Gedalia mwana Ahikame. Ishemali mwana Netania yaakwata ufunge, yakatuka akaye kuli A-Amone.

Jeremia 41:11

Alioze muze Johanane mwana Karea ni tusongo eswe ja maswalale hamwe nenyi evwile yipi yeswe Ishemali mwana Netania halinga,

Jeremia 43:6

ni malunga, ni mapwo, ni ana, ni alemu ja mapwo, ni mutu mweswe Nabuzaradane kapitau ka tulayi hahichika ni Gedalia mwana Ahikame mwana Shafane; yanda nawa profeta Jeremia ni Baruke mwana Neria.

Jeremia 52:16

Alioze Nabuzaradane kapitau ka tulayi yahichika yiswale ahiana a chifuchi apwe akwa kululika mitondo ya uva ni akwa kulima.

Ezekiel 45:16

Atu eswe a mu chifuchi makahana mulambu uno kuli mwe mulemu wa mu Izalele.