Jeremia 40:3 - MUKANDA USANDU WA ZAMBI 1975

³ Yehova hachilinga, halinga chize wambile, Chino chuma chanuwana mumu nwavulumuna Yehova, kunwononokene ku liji lienyi.

Mukanda Wa Zambi 1970

³ Haliabwila halinga chize ambile. Yino yeswe yaamuwana mumu atu jenu haanavulumuna Mwene Zambi ni kumukolema.

Jeremia 40:3 Iomraidhean Croise

Nehemia 9:28

Alioze muze hahwima alingile chipi nawa kumeso je, kashika waahichikile mu moko ja akwa kole jo akaayule. Hindu muze ahilukile nikuteta kuli yena mwilu waapanjikile, mba kanji kanji waapulwile nikulita ni keke ye.

Nehemia 9:33

Alioze mu yuma yino yeswe hiyatushata uli mukwa ululi mumu hiwalinga ni umwenemwene; yetu hitwalinga ni ungulungulu.

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 22:8

Mavungu anji mapalika ku chihunda chino nikwamba mutu mweswe kuli mwenyembo wenyi ngwenyi, Kuchi te Yehova hanalingi chocho ni chihunda chino chinene?

Jeremia 39:16

Yako ukambe kuli Ka-Etiopia Ebedemeleke ngwe, Yehova-wa-Tujita, Zambi ya Izalele kanambe ngwenyi, Mungumanununa maliji jami a kutwala ku chihunda chino ha yuma yikalu, hi yuma yipema ko, mba kumakamanunuka kumeso je ha tangwa liacho.

Jeremia 44:23

Chipi chino cheswe hichanuwana ndo musono mumu nwochele insensu, ni kuvulumuna Yehova; kunwononokene ku liji lia Yehova, chipwe kwenda nikulita ni shimbi jenyi, hanji yiyulo yenyi, hanji Shindakenyo jenyi.

Jeremia 50:7

Waze eswe haawana haalia, ni akwa kole jo hanambe ngwo, Etu kutushi mutonga, mumu hanavulumuna Yehova, kuma kwo kwamwenemwene kwa kutwama, mwe Yehova kutalatala wa tulamba two.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

Shimbi 29:25

Henaho malunga makamba ngwo, Mumu te o ehukile usendo wa Yehova Zambi ya akako, iye waukolesele no muze aachijile mu chifuchi cha Engitu.