Jeremia 40:11 - MUKANDA USANDU WA ZAMBI 1975

¹¹ Chocho muze A-Yunda aze eswe atwamine mu Moape, ni hakachi ka A-Amone ni A-Endome ni mu yifuchi yikwo evwile ngwo, Mwanangana wa Babilonia hahichika amwe masalila mu Yunda ni chikwo nawa hasa Gedalia mwana Ahikame mwana Shefane akapwe mukwa kwayula,

Mukanda Wa Zambi 1970

¹¹ Aisraele eswe waze abwile mu yifuchi ya Moabe, ni Amone, ni Edome, ni mu yifuchi yikwo yeevwa ngwo, mwanangana wa Babilonia hatayiza amwe Aisraele kutwama mu Yuda, nawa ngwo, hapwisa Gedaliya mukwa kuyula.

Jeremia 40:11 Iomraidhean Croise

Ubutukilo 36:8

Esau Watwamine ku mulundu wa Sere. Esau iye Endome.

Izaya 11:14

Alioze kumakahulumukina ha chipaya cha A-Filistea ku Chitokelo; hamuwika kumakapupa akwa Chivumbuko. Kumakazoza moko jo kulimika ni A-Endome ni A-Moape, ni A-Amone maononokena.

Izaya 16:4

A-Moape keshi chifuchi atwame hakachi kenu; pwenu chiswamo kuli ayo mumu hali chonwonyi. Muze mukwa kupinjisa hahwa ni kwonwona hichapatuka, ni mukwa kuliataliata hajimuka mu chifuchi,

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 41:10

Mba Ishemali yakwata ufunge atu akwo eswe waze apwile mu Mizepa, ana a mwanangana a mapwo ni atu eswe waze asalile mu Mizepa, te Nabuzaradane kapitau ka tulayi haakunjika kuli Gedalia mwana Ahikame. Ishemali mwana Netania yaakwata ufunge, yakatuka akaye kuli A-Amone.

Jeremia 43:5

Alioze Johanane mwana Karea ni tusongo eswe a maswalale yanda masalila ja A-Yunda eswe, waze te hakatuka ku yifuchi yeswe kuze haahumina, akahiluke atwame mu Yunda—

Jeremia 43:6

ni malunga, ni mapwo, ni ana, ni alemu ja mapwo, ni mutu mweswe Nabuzaradane kapitau ka tulayi hahichika ni Gedalia mwana Ahikame mwana Shafane; yanda nawa profeta Jeremia ni Baruke mwana Neria.

Jeremia 9:26

A-Engitu, ni A-Yunda, ni A-Endome, ni ana ja Amone, ni A-Moape, ni waze eswe atwama mu puya akupatula mbango ja kambu jo, mumu mavungu wano eswe yilima, ni akwa munyachi wa Izalele eswe kapwa yilima mu mbunge.

Ezekiel 25:12

Mwene Yehova kanambe ngwenyi, Mumu Endome wakalile milonga hali akwa munyachi wa A-Yunda ni kuvulumuna chikolo ha kukala milonga hali ayo,

Ezekiel 25:2

Mwana mutu, talikisa meso je kuli A-Amone ukaprofeteze kulimika no.

Ezekiel 25:6

Mumu Mwene Yehova kanambe ngwenyi, Se nwasakwilile ni koshi, ni kulinyehuna, ni kulikwiza ni shili yize yeswe yapwile muli yenu ha chifuchi cha Izalele,

Ezekiel 25:8

Mwene Yehova kanambe ngwenyi, Mumu A-Moape ni A-Sere kakwamba ngwo, Munyachi wa Yunda chimuwika unapu ni mavungu akwo,

Ezekiel 34:6

Mapanga jami amwanganyine; endanganyine ha milundu yeswe, ni ha mundundena weswe usuku. Mapanga jami amwanganyine hashi heswe; kukushi yoze mahengula hanji kwafupa.

Ezekiel 35:15

Chizechene ngwe yenu nwawahililile ha chihinga cha munyachi wa Izalele mumu chalumukine cha kwenyeka, chochene nawa mungukalinga ni yenu. Kumuopwa wa kwenyeka, yena mulundu wa Sere, ni mweswe mu Endome, kwe kweswe. Henaho makanyingika yami nguli Yehova.

Ezekiel 35:5

Mumu wafungile kole ya mutolo; wahanyine A-Izalele ku tachi ja katana ha mwaka wa lamba lio, ha mwaka wa kastigu yo yasula,

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Ezekiel 5:3

Hakachi kajo muwanda jimwe jikehe ujikashile mu lupula wa hina lie.

Kwalula 22:1

A-Izalele ayile mu wenyi wo, mba mu yana ya Moape, mu sali lia Yordau, yasa chilombo cho ku Yeriku.

Kwalula 25:1

A-Izalele atwamine ku Shitime, e atu yaputuka kulinga ukoi hamwe ni ana-mapwo a Moape.

Kwalula 25:2

Mumu o yasanyika e atu ku yitapo ya tuzambi two. Atu yaha, yafukama ku tuzambi two.

1 Samuel 11:1

Nahashi Ka-Amone yakanduka, yasa chilombo chenyi kulimika ni Njabeshe-Ngiliate. Malunga eswe a Njabeshe yamba kuli Nahashi ngwo, Kolesa usendo ni yetu mba mutukulingila.

1 Samuel 12:12

Muze nwamwene Nahashi mwanangana wa A-Amone kaneza kulimika ni yenu nwambile kuli yami ngwenu, Ka, tunazange mwanangana atuyule, shimbu te Yehova Zambi yenu iye mwanangana wenu.