Jeremia 40:10 - MUKANDA USANDU WA ZAMBI 1975

¹⁰ Nyi yami, mungutwama mu Mizepa ngukanuhanjikile kuli A-Kaletea waze meza kuli yetu, alioze yenu kungululenu vinyu, ni mihuko ya lwiza, ni maji, nukayitulikile mu yikwachilo yenu, nukatwame mu yihunda yenu yize hinwatambula.

Mukanda Wa Zambi 1970

¹⁰ Yami mwene mungutwama ku Mizpa nikubwa hako lienu muze Ababilonia meeza kuno. Alioze yenu kungululenu vinyu, ni mihuko, ni maji a olive, nutwama mu yihunda yize hinunatambula.”

Jeremia 40:10 Iomraidhean Croise

2 Samuel 16:1

Muze te David hahiana hakehe helu lia mulundu kumanyi Ziba ngamba ya Mefiposhete yamupatwiza. Kali ni yimbulu aali ni seleyi jo, mba kanambata kulakaji aali a mbolo, ni kulakaji lia yichakata ya uva jomu, ni kulakaji lia yichakata ya mihuko ya lwiza, ni mulange wa vinyu.

1 Yitanga Ya Mianangana 10:8

Kawaha malunga je, kawaha wano tuvumbi twe akumana kumeso je matangwa eswe nikwivwa mana je.

Yishima 22:29

Unamono chipalakata ku milimo yenyi, nyi? Kumakamana kumeso ja mianangana; kechi kumana kumeso ja atu amokomoko.

Yishima 27:25

Mwambu unasokoloka, mwambu waha kuunalisolola ni yiputa ya ha milundu kanayichi.

Izaya 16:9

Kashika ngunalili ni kulila cha Yazere ha mukunda wa mutondo wa uva wa Sibima. Enu Heshebone ni Eleale ngunanuhinjila masoji jami, mumu kukalumioka cha jita hichakwata ha mihuko yenu ni kucha chenu.

Jeremia 35:19

kashika Yehova-wa-Tujita, Zambi ya Izalele kanambe ngwenyi, Jonadabe mwana Rekabe kechi kahona lunga kumana kumeso jami nilimwe tangwa.

Jeremia 39:10

Nabuzaradane kapitau ka tulayi yahichika mu chifuchi cha Yunda amwe atu yiswale keshi upite, yaaha minda ya uva ni mande hamuwika.

Jeremia 40:12

mba ha kwivwa chocho A-Yunda eswe yakatuka ku yifuchi yeswe kuze haahumina, yeza ku chifuchi cha Yunda kuli Gedalia ku Mizepa. Yakungulula vinyu ni mihuko ya lwiza ya kulumbama.

Jeremia 40:6

Henaho Jeremia yaya kuli Gedalia mwana Ahikame ku Mizepa; yatwama hamwe nenyi hakachi ka atu aze asalile mu chifuchi.

Jeremia 43:5

Alioze Johanane mwana Karea ni tusongo eswe a maswalale yanda masalila ja A-Yunda eswe, waze te hakatuka ku yifuchi yeswe kuze haahumina, akahiluke atwame mu Yunda—

Jeremia 48:32

Ena mutondo wa uva wa Sibima, ngunakulilila kuhiana Yazere. Mitango ye yahianyine kalunga-lwiji ni kuheta ndo ku Yazere. Mwe chonwonyi hapunda mihuko ye ya lwiza ni vinyu ye.

Mika 7:1

Lamba liami mumu hinapwa ngwe muze mihuko ya lwiza hayihela; muze uva hayihela, kukushi chichakata cha kulia, chipwe kuyu litangu kuhia, lize mbunge yami yakuzanga.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Shimbi 1:38

Yoshua, mwana wa Nune, wakumana kumeso je, iye makanjilamo. Mutakamise, mumu iye makatungisamo A-Izalele.

Shimbi 16:13

Nulinge chiwanyino cha yisakila matangwa shimbiali, ha kumana kukunga ya ku yizungwilo yenu ni ya ku ukamino wenu wa uva.