Jeremia 4:9 - MUKANDA USANDU WA ZAMBI 1975

⁹ Yehova kanambe ngwenyi, Ha tangwa lize hamu mulikahona kuli mwanangana ni kuli alemu. Asasendote mevwa mwongo, ni aprofeta makomoka.

Mukanda Wa Zambi 1970

⁹ Mwene Zambi kanambe ngwenyi: “Ha tangwa lize mianangana ni akwa lutwe keechi kabwa nawa ni hamu. Mahako ni akwa munanyi maakevwa mwongo, maakalishimwoka.”

Jeremia 4:9 Iomraidhean Croise

1 MIANANGANA 25:4

Henaho yalokola chipanga cha chihunda, mba tujita eswe yachina ha ufuku jila ya chikolo cha hakachi ka yipanga yiali kwe ku munda wa mwanangana. (A-Kaletea o analimika ni chihunda kweswe kwa kujingilika), mba mwanangana yayila jila ya ku Arapa.

Miaso (Masamu) 102:4

Mbunge yami yinalambama ngwe mwambu; hiyinalele, mumu ngunavulama kulia chami.

Izaya 19:16

Ha tangwa lize A-Engitu mapwa ngwe mapwo. Machikima ni woma shimbu te kwoko lia Yehova-wa-Tujita kanda lichinyika hali ayo.

Izaya 19:3

Maspiritu ja muchima lia A-Engitu munguzukula; munguvundangenya yikuma yo. Kumakaya kuhula ku mahamba, ni yimbanda, ni akwa mahamba ni akwa tufutafuta.

Izaya 28:19

Chisuho cheswe muchipalika muchinumbata; mumu muchipalika ha chimene ha chimene, ni mwalwa ni ufuku, mba kumuchikapwa we mwongo lume muze sango mujinulumbunuka.

Jeremia 2:26

Ngwe mwiji kakwivwa sonyi ha kumukwata chocho akwa munyachi wa Izalele mevwa sonyi, o, ni mianangana jo, ni alemu jo, ni asasendote jo, ni aprofeta jo.

Jeremia 25:34

Enu tufunga lilenu mbimbi, litetwokenu ni yenu miata ja mapanga lilangumunenu mu uto mumu matangwa a kunushiha ni kunumwanga haneza, mba munufwa ngwe kuji a mapanga a kusakula.

Jeremia 37:19

Aprofeta jenu aze aprofetezele kuli yenu ngwo, Mwanangana wa Babilonia kechi kwiza kulimika ni yenu hanji kulimika ni chifuchi chino, kulihi ali haliapwila?

Jeremia 48:41

Yihunda mayitambula ni mbonge majikumba. Mbunge ja tujita a Moape ha tangwa lize mujipwa ngwe mbunge ya pwo ha kufumbajala.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 52:7

Henaho yalokola chipanga cha chihunda, mba tujita eswe yakatuka mu chihunda, yachina ha ufuku jila ya chikolo cha hakachi ka yipanga yiali kwe ku munda wa mwanangana, shimbu A-Kaletea machijingilika. Yatalikisa ku Arapa.

Yilinga 13:41

Talenu, yenu akwa kaleleso, komokenu, tokenu; mumu mungulinga chitanga ha matangwa jenu, chitanga chize kunuchi kachifuliela nichimwe, kachi umwe manwambulwilacho.