Jeremia 4:8 - MUKANDA USANDU WA ZAMBI 1975

⁸ Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Mukanda Wa Zambi 1970

⁸ Kashika zalenu mianji, nulile mbimbi, mumu ufwatulo wa Mwene Zambi kanda uhwa hali Ayuda.

Jeremia 4:8 Iomraidhean Croise

Miaso (Masamu) 78:49

Wazukwile hali ayo kusasaminya cha utenu wenyi, ni ufwatulo, ni kuzangumioka, ni lamba; chihuji cha angelo api.

Izaya 10:4

Nichimwe chasala chakuhi shina kuutama hakachi ka funge, hanji kufwa hakachi ka waze anaashihi. Chipwe chocho utenu wenyi kuwakondolokele; kwoko lienyi hindu kanalizozo.

Izaya 13:6

Lilenu mbimbi, mumu tangwa lia Yehova hiliakundama; muliza ngwe kwenyeka cha kuli Mukwa-Ndundo-Jeswe.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Izaya 32:11

Chikimenu, enu mapwo nunahwimi, pwenu ni lwaji, enu kunushi woma; Zulenu, lifukulenu nukazale chikeleyi mu zalilo jenu.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:17

Kashika Mwene kawahililile ni akweze jo; kavwilile keke ana-ashiwa ni tuliwa jo; mumu mutu mweswe chitanganyanyi ni chihenge, kanwa lieswe linahanjika uhepuke. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:21

Manase kanali Eframe, ni Eframe kanali Manase, mba hanalikate kulimika ni Yunda. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 25:34

Enu tufunga lilenu mbimbi, litetwokenu ni yenu miata ja mapanga lilangumunenu mu uto mumu matangwa a kunushiha ni kunumwanga haneza, mba munufwa ngwe kuji a mapanga a kusakula.

Jeremia 30:24

Utenu usasu wa Yehova kuuchi kahiluka ndo halinga ni kumanuna upale wa manyonga jenyi. Ha matangwa a kusula chino muchinulumbunuka.

Jeremia 48:20

Moape hamukolesa sonyi mumu hamumakuna. Lilenu mbimbi! Litetwokenu! Nuchambujole ku sesa lia Arnone ngwenu, Moape hanenyeka.

Jeremia 6:26

Ena mwana wa pwo atu jami, zala chikeleyi, ukalilangumune mu uto. Ukalishimwoke ngwe hali mwana wa wika, kulila chisasu, mumu susumuku chonwonyi matuwana.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Ezekiel 21:12

Teta ni kulila mbimbi, ena mwana mutu, mumu kapwa wa kulimika ni atu jami, ni kulimika ni alemu eswe a Izalele. Hanaakunjika ku katana hamwe ni atu jami. Kashika Ulambe ha shina lia kulu lie.

Ezekiel 30:2

Mwana mutu, profeteza wambe ngwe, Mwene Yehova kanambe ngwenyi, Lilenu mbimbi ngwenu, Mama yami, lie tangwa!

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Mika 1:16

Lipwisenu ni lwole; litewulenu kambu jenu ha mukunda wa ana ja uwahililo wenu. Litewulenu ngwe makuyu, mumu manukatuka nikuya ku unjize.

Kwalula 25:4

Yehova yamba kuli Mose ngwenyi, Utwale akwa lutwe eswe a atu, wasukike kumeso ja Yehova ha mwalwa, hanga utenu usasu wa Yehova ukakatuke kuli A-Izalele.