Jeremia 4:7 - MUKANDA USANDU WA ZAMBI 1975

⁷ Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Mukanda Wa Zambi 1970

⁷ Ngwe tambwe yoze unakatuka mu chivwenge chenyi, mukwa kwonona mavungu hakatuka. Kaneza ni kwonona Yuda. Membo ja Yuda kumaakenyeka, kukuchi katwama niumwe.

Jeremia 4:7 Iomraidhean Croise

1 MIANANGANA 24:1

Ha matangwa jenyi Nabukanezore mwanangana wa Babilonia yeza, mba Jehoakime walumukine mukwa kumwononokena miaka yitatu; mba henaho yalumuka nawa, yamukatukila.

1 MIANANGANA 25:1

Ha mwaka wamuchilivwa wa kuyula chenyi ha kakweji wamuchikumi ni tangwa liamuchikumi lia kakweji Nabukanezore mwanangana wa Babilonia yeza ni tujita twenyi eswe kulimika ni Yerusaleme. Yasa chilombo chenyi kulimika nacho; yatunga mbonge kweswe kwa kujingilika.

Izaya 1:7

Chifuchi chenu chapwa cha hululu; yihunda yenu hanayocho ni kahia; yilambala kanali chifuchi chenu kwe kumeso jenu; chapwa cha hululu, ngwe hanachipupu kuli yilambala.

Izaya 5:9

Yehova-wa-Tujita halishinga mwe mu matwi jami ngwenyi, Pundu mazuwo anji mapwa amokomoko. Mazuwo anene apema keshi ni waze matwamamo.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 2:15

Ndumba hanatete hali iye, hanatete ni tachi. Hanahichika chifuchi chenyi ngwe puya, yihunda yenyi yinapuzuka, kuyishi atu.

Jeremia 22:6

Mumu ha kutwala ku munyachi wa mwanangana wa Yunda, Yehova kanambe ngwenyi, Enu nwapwa kuli yami ngwe Ngiliate ngwe mbulwa mulundu wa Lebano, hindu mungunupwisa puya; chihunda kuchishi atu.

Jeremia 22:7

Mungululika akwa kunwonwona, mweswe ni yitwa yenyi ya jita. Makateta misedru yenu yipema yahiana ni kuyimbila mu kahia.

Jeremia 25:38

Hakatuka ku chiswamino chenyi ngwe ndumba. Chifuchi cho hichalumuka cha hululu mumu ha katana wa Yehova, ni ha utenu wenyi usasu.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 26:9

Kuchi te hiwaprofeteza mu jina lia Yehova ngwe, Zuwo lino mulipwa ngwe Shilo, ni chihunda chino muchipwa cha woya, kuchishi atu? Mba atu eswe yaseleka Jeremia mwe mu zuwo lia Yehova.

Jeremia 27:8

Alioze nyi vungu limwe hanji wanangana umwe kechi kalingila yono Nabukanezore mwanangana wa Babilonia; kechi katá kusa makota jo mu kanga ya mwanangana wa Babilonia, munguhana kastigu ku vungu lize ni katana, ni kapunga, ni chilungo ndo hinaanongesa ku kwoko lienyi. Chocho kanambe Yehova.

Jeremia 33:10

Yehova kanambe ngwenyi, Muno mwene enu nwakwamba ngwenu, Munapu mwa hululu, kumushi atu chipwe yimuna, ni mu yihunda ya Yunda, ni mu matapalo ja Yerusaleme muze munapu mwamokomoko, kumushi atu, chipwe akwa kutungako, chipwe yimuna, ngwami,

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 4:29

Ha Chizungozungo cha akwa tuvwalu ni ngashi yihunda yeswe yinachina. Kanaswame mu usaki; kananyina ku mawe; yihunda yeswe hanayichina, niumwe katwaminemo.

Jeremia 44:2

Yehova-wa-Tujita, Zambi ya Izalele kanambe ngwenyi, Hinwamona yikalu yeswe nakokele ha Yerusaleme ni ha yihunda yeswe ya Yunda. Musono hiyapwa ya hululu; niumwe keshimo wakuhi,

Jeremia 46:18

Mwe Mwanangana jina lienyi Yehova-wa-Tujita kanambe ngwenyi, Ni mwono wami, chizechene ngwe Tabore hakachi ka milundu, ngwe Karmela ku kalunga-lwiji chocho meza.

Jeremia 49:19

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye, mba mungusela kumuyula mweswawo ngunazange yami. Mumu iya walifwa ni yami? Iya mangusanyika? Kafunga muka mahasa kumana kumeso jami?

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Jeremia 50:44

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye; mba mungusela kumuyula mweswawo ngunazange. Mumu iya walifwa ni yami? Iya mangusanyika? Kafunga muka mahasa kumana kumeso jami?

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Ezekiel 12:20

Yihunda ya atu makayenyeka, ni chifuchi muchikapwa cha hululu. Mba munukanyingika yami nguli Yehova.

Ezekiel 21:31

Munguzukula hali yenu ufwatulo wami. Mungukafuza hali yenu kahia ka ufwatulo wami; mungukanukuniika mu tachi ja malunga yingandangali waze hajama ha milimo ya kwonwona.

Ezekiel 32:2

Mwana mutu, imba mwaso wa lungungu hali Falau mwanangana wa Engitu wambe kuli iye ngwe, Ena wakulimona ngwe uli ndumba hakachi ka mavungu, alioze uli ngwe ndragau wa mu kalungalwiji. Wakufwapukila mu njiji je, ni kuvundula meya ni molu je, ni kupihisa njiji jo.

Daniel 5:19

mba ha unene uze hamwaha akwa mavungu eswe, ni minyachi yeswe, ni malimi eswe achikimine ni woma kumeso jenyi. Mweswe yazanga kushiha, yamushiha; mweswe yazanga kufunga ni mwono, yamufunga ni mwono. Mweswe yazanga kunangamisa, yamunangamisa; mweswe yazanga kununguna, yamununguna.

Daniel 7:4

Mutangu wapwile ngwe ndumba, alioze kali ni mapulwa a pupa. Shimbu munguchitala asuchile mapulwa, mba amuzundwile hashi ni kumumanyisa ha molu aali ngwe mutu. Amuhele nawa manyonga ja mutu.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.