Jeremia 4:5 - MUKANDA USANDU WA ZAMBI 1975

⁵ Ambenu mu Yunda; tambikenu mu Yerusaleme ngwenu, Humunenu chitavwi ndusu mu chifuchi, tambikenu ngwenu, Kungulukenu tukaye tukanjile mu yihunda ya kukolesa.

Mukanda Wa Zambi 1970

⁵ Humunenu chitavwi mu chifuchi cheswe! Kololokenu chikolo! Lweza Ayuda ni akwa Yerusaleme achinyine ku membo akukoleka.

Jeremia 4:5 Iomraidhean Croise

Izaya 28:19

Chisuho cheswe muchipalika muchinumbata; mumu muchipalika ha chimene ha chimene, ni mwalwa ni ufuku, mba kumuchikapwa we mwongo lume muze sango mujinulumbunuka.

Jeremia 11:2

Ivwa maliji a usendo uno ukahanjike ni malunga ja Yunda ni akwa Yerusaleme.

Jeremia 35:11

Alioze muze Nabukanezore mwanangana wa Babilonia wejile kwasa jita ni chifuchi chino twambile ngwetu, Tuyenu, tukandukenu ku Yerusaleme mumu ha woma wa tujita twa A-Kaletea ni tujita twa A-Seria. Kashika twatwama mu Yerusaleme.

Jeremia 5:20

Ambulula chino ku munyachi wa Yakomba amba mu Yunda ngwe,

Jeremia 6:1

Enu atu ja Mbenjamine Chinenu mu Yerusaleme, nukawane ulamwino! Humunenu chitavwi mu Tekoa, senu chilayi ha Mbete-hakereme. Mumu chipi chinamoneka ku Norte, ni kwonwona chinene.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Ezekiel 7:14

Hasunga chitavwi, halulika yuma yeswe, alioze niumwe kayile ku jita mumu ufwatulo wami washata mbunga yo yeswe.

Hosea 8:1

Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

Joele 2:1

Humunenu chitavwi mu Zaione. Tambikenu mutambi mu mulundu wami usandu. Akwa chifuchi eswe achikime, mumu tangwa lia Yehova kulineza, hihapwa hakamwihi.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Amose 3:8

Ndumba hahiohia, iya kechi kwivwa woma? Mwene Yehova hanahanjika, iya mahasa kuhola ni uprofeto?

Kwalula 10:2

Ulifulile yitavwi yiali ya prata. Uyifule ku milimo ya kutatula. Yikapwe ya kutambika chikungulwila, ya kwakatwisa ku yilombo.

Kwalula 10:3

Muze mayimba yeswe ni yiali akwa chikungulwila eswe malikungulwila kuli yena ku chikolo cha mbalaka ya chikungulwila.

Yoshua 10:20

Muze Yoshua ni malunga a A-Izalele hanamane kwashiha ni kwonwona chinene ndo hajimuka, mba waze asalile hanjila mu yihunda ya yipanga,