Jeremia 4:4 - MUKANDA USANDU WA ZAMBI 1975

⁴ Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Mukanda Wa Zambi 1970

⁴ Fungenu Usendo wenu ni yami, Mwene Zambi yenu, likunjikenu kuli yami, yenu Ayuda ni akwa Yerusaleme. Nyi ka, munwivwa ufwatulo kuhiana ngwe kahia kaze kakulekwoka mumu ha yibi yize hinunalingi. Kumukalekwoka, kukuchi kubwa niumwe yoze makajima.”

Jeremia 4:4 Iomraidhean Croise

2 Sango Ja Mianangana 34:25

Mumu hanangwehuka; hanochela insensu mazambi akwo akangwihie ku utenu ni yitanga yeswe ya moko jo. Kashika ufwatulo wami unazukuka ha chifuchi chino, mba kuuchi kahola.

Izaya 10:17

Pangu lia Izalele kumulikalumuka kahia, Musandu wenyi mapwa mulengi, mba muulekwoka ni kulalisa mingonga yenyi ni mikalale yenyi tangwa limuwika.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Izaya 51:17

Ena Yerusaleme hiwanwa ku kwoko lia Yehova we musenge wa ufwatulo wenyi, hiwanwa ndo ku yishikwa musenge wa kupiepietesa. Kasumuka! Kasumuka umane ha molu.

Jeremia 15:14

Mungukutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 21:5

Yami mwene mungwasa jita ni yenu ni kwoko lia kuzoza ni lia tachi, ni utenu, ni chijinde, ni ufwatulo unene.

Jeremia 23:19

Talenu kangonga ka Yehova! Ufwatulo hiwaputuka. Chijimbi wa tachi, makalundumukina ha mitwe ya yingulungulu.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 9:25

Yehova kanambe ngwenyi, Matangwa kaneza muze munguhana kastigu kuli waze hanaupwisa ngalami hindu kapwa yilima—

Jeremia 9:26

A-Engitu, ni A-Yunda, ni A-Endome, ni ana ja Amone, ni A-Moape, ni waze eswe atwama mu puya akupatula mbango ja kambu jo, mumu mavungu wano eswe yilima, ni akwa munyachi wa Izalele eswe kapwa yilima mu mbunge.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 16:38

Mungukakupatwila ngwe akupatwila mapwo aze akutangula ulo wo, ni waze akushiha atu. Mungukakukokela manyinga a ufwatulo ni ukwa.

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Ezekiel 20:33

Mwene Yehova kanambe ngwenyi, Ni mwono wami, pundu, ni kwoko lia ndundo ni lia kuzoza, ni ufwatulo wa kuzukula, kumungukapwa mwanangana wenu.

Ezekiel 21:17

Ni yami nawa mungulamba koshi ku moko jami, munguhwisa ufwatulo wami. Yami Yehova hinahanjika.

Ezekiel 24:13

Ngengeya yamo ayo usolo wenu wa luchisa. Ami nazangile kunupemesa, ni yenu kunwapemene ku luchisa wenu, kashika yenu kunuchi kapema nawa ndo mungukahwisa ufwatulo wami hali yenu.

Ezekiel 24:8

Hinasa ha luliwe manyinga aze hamwanga hanga kechi kaafuka, akavundule ufwatulo wami ngukaafwetese.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Ezekiel 6:12

Yoze uli kusuku makafwa ni chilungo. Yoze uli hakamwihi makafwa ni katana; ni yoze malisalaho, kafwile ni yino, mba makafwa ni kapunga. Chocho mungukahwisa ufwatulo wami hali ayo.

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Alevi 26:41

chocho yami nalimikine no nikwatwala ku chifuchi cha akwa kole jo, ngwami, nyi mbunge jo ja ulima mujililelesa, mazeya ku lufumbo wami wa uhenge wo,

Amose 5:6

Fupenu Yehova nutwame ni mwono kuchina makalekwoka ngwe kahia mu munyachi wa José. Makalalisa ni mukwa Mbetele yoze makajima kechi kasoloka.

Zefania 2:2

shimbu kanda akolesa shimbi; shimbu tangwa kanda Upalika ngwe yizungu; shimbu utenu usasu wa Yehova kanda unuwana; shimbu tangwa lia ufwatulo wa Yehova kanda linuwana.

A-ROMA 2:25

Mumu ungalami chamwenemwene muukafumbula, kachi yena wakulinga shimbi: alioze kachi muopwa chitanguke cha shimbi, ungalami we hiwapwa ulima.

Shimbi 10:16

Nulipwise ngalami, nuchize ulima wa mbunge jenu, kanda nupwa akwa kupangula nawa.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.

Kolosu 2:11

Muli iye hananupwisa ngalami, ni ungalami hi wa kulinga ni moko ko, ha kuzula mujimba wa musunya mu ungalami wa Kristu;