Jeremia 4:30 - MUKANDA USANDU WA ZAMBI 1975

³⁰ Ni yena hakwenyeka kulu, kuchi chinalumbunuka unazala ngengu, ni kuliwahisa ni yuma ya oru, ni kutohesa meso je ni ulombo? Unaliwahisa mokomoko, mumu masepa je kanakulelesa, kanafupu kukushiha.

Mukanda Wa Zambi 1970

³⁰ Yerusaleme, lamba lie! Mumu yika unazalila mahina abema achila? Mumu yika unalizezejeka yuma ye ya uhenya, ni kulikwita yitumbo ya kulibemesa ku meso? Unalibemesa tuhu chamokomoko! Akwa zango lie haakwehuka, kaanafupu kukushiha.

Jeremia 4:30 Iomraidhean Croise

1 MIANANGANA 9:30

Muze Jehu haheta ku Yezerele Jezebele yachivwa. Kashika yalipintala ku meso, yalulika mutwe wenyi yatalila ku njanela.

Yishima 6:25

Kanda wivwa usolo wa kupema chenyi mu mbunge ye; kanda umutayiza kukukwata ni meso jenyi;

Yishima 7:10

Mba kwatakanyine nenyi umwe pwo; ha mujimba wenyi kali ni mazalo a chikoi; mu mbunge yenyi kali ni kalimbalimba.

Izaya 10:3

Yika munulinga ha tangwa lia kunufwetesacho, mu kangonga yoze makatuka kusuku? Kuli iya munuchinyina amukwase? Kulihi munuhichika upite wenu?

Izaya 20:6

Akwa mbaka yino mamba ha tangwa lize ngwo, Kumanyi chocho chapwa kuli waze twafulielele ni waze twachinyinyine kuli ayo atukwase ni kutupulula kuli mwanangana wa Asuria! Mba yetu kuchi mutupuluka?

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Jeremia 13:21

Yika muwamba muze masa helu iia yena waze yena mwene waalongesele kupwa masepa je? Te kuchi kwivwa yikola, ngwe ya pwo mukwa kufumbajala?

Jeremia 22:23

Ena watwama ha Lebano nikusa chaswa che ku misedru muwiza kutwa mikuma muze misongo ye muyikuwana; yikola ngwe ya pwo mu kufumbajala.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Lungungu 1:19

Nasanyikine kuli waze anguzangile alioze angwongele. Asasendote jami ni makulwana jami akuwile mu chihunda, shimbu machifupa kulia kuhuzulula tachi jo.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 4:17

Meso jatuhwa ni kutalatala, akwa kutukwasa waze kejile. Kutala twatalile vungu limwe lize kuliahashile kulamwina.

Ezekiel 28:13

Wapwile mu Endene, munda wa Zambi; mawe eswe a ndando yilemu apwile chifuko che, sartiu, ni topajiu, ni diamante, ni turkeza, ni sardonica, ni jasepe, ni safwira, ni carbunkulu, ni esmeralda, ni oru. Utotombo wa tumikupiela twe ni ndembo je wapwile muli yena; ha tangwa lize akutangile ayilulikile.

Ezekiel 28:9

Mukalikoleza kwamba ngwe, Nguli zambi, kumeso ja waze makakushiha, chipwe uli mutu tuhu, hi uli zambi ko, mu moko ja waze anakulemeka, nyi?

Obadia 1:7

Masepa je hakuhanga ndo ku njiza. Waze Watwamine no ni sambukila hakwonga, hakukumba. Waze alile kulia che hakutela muheto. Kwapwile ni mana a kuchinyingika.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Usolwelo 17:13

Wano mbunge yimuwika akwete, yahana tachi jo ni poko yo kuli ngongo.

Usolwelo 17:2

Yoze mianangana ja hashi hanalingi nenyi utanji, ni akwa hashi hanazengewa ni vinyu ya utanji wenyi.

Usolwelo 17:4

Ni pwo wazalile mahina ja ufungo ni ngengu, walejimine ni oru, ni mawe alemu, ni kakanga, kali ni musenge wa oru mu kwoko lienyi unazala ni yizelwokeso, te yuma ya luchisa ya utanji wenyi.