Jeremia 4:29 - MUKANDA USANDU WA ZAMBI 1975

²⁹ Ha Chizungozungo cha akwa tuvwalu ni ngashi yihunda yeswe yinachina. Kanaswame mu usaki; kananyina ku mawe; yihunda yeswe hanayichina, niumwe katwaminemo.

Mukanda Wa Zambi 1970

²⁹ Ha kwivwa lundunjila wa akwa kwendela ha tuvwalu ni akwa mata a kwasa, atu eswe kumaakachina chizunguzungo. Amwe maakachinyina ku usaki, akwo maakanyina ku mawe. Yihunda yeswe muyikasala yahululu, kumuchi kasala niumwe.

Jeremia 4:29 Iomraidhean Croise

2 Sango Ja Mianangana 33:11

Kashika Yehova waatumine tupitau twa tujita twa mwanangana wa Asuria. Yakwata Manase mu malenge; yamukashila mu kuli, nikumutwala ku Babilonia.

Izaya 30:17

Kanunu makachina ha kwomisa cha mutu umuwika. Ha kwomisa cha atano munuchina ndo munukapwa ngwe mutondo wa mbandeira helu lia mulundu, ngwe chilayi ha mundundena.

Izaya 6:12

ni Yehova hatwala atu kusuku, ni yihela ya woya yapwa yinji hakachi ka chifuchi.

Jeremia 16:16

Yehova kanambe ngwenyi, Ngunatumina akwa kutela yishi anji, mba kumakaoza; mba kulutwe mungutumina yingyanga anji, no maahanga ku milundu yeswe, ni mindundena yeswe ni ku yivwenge.

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 52:7

Henaho yalokola chipanga cha chihunda, mba tujita eswe yakatuka mu chihunda, yachina ha ufuku jila ya chikolo cha hakachi ka yipanga yiali kwe ku munda wa mwanangana, shimbu A-Kaletea machijingilika. Yatalikisa ku Arapa.

Jeremia 6:23

Kanakwata ku uta ni kunga, akwa uswi, keshi keke. Chinumo cho chinapu ngwe lundunjila wa kalunga-lwiji. Kanende hali tuvwalu; hanalilulika ngwe mutu ha jita, ya kulimika ni yena mwana-pwo Zaione.

Amose 9:1

Namwene Mwene kanamana hakamwihi ni chilumbilo. Yamba ngwenyi, Lamba manguji ha masongo ndo yikuli muyichikima ukayifwenye ha mitwe ya atu eswe. Waze malisalaho mungukaashihisa ni katana. Kechi kahasa kuchina niumwe; kechi kahasa kwomboka niumwe.

Luka 23:30

Hohene makapuluka kwamba ku milundu ngwo, Holokelenu hali yetu; ni ku mindundena ngwo, Tufukenu.

1 Samuel 13:6

Muze malunga A-Izalele amwene ngwo, Twasakaminya (mumu atu alifwichile) mba aswamine mu yivwenge, ni mu usaki, ni mu yimawe, ni mu pembo, ni mu mena.