Jeremia 4:28 - MUKANDA USANDU WA ZAMBI 1975

²⁸ Ha chikuma chino hashi muhalishimwoka ni malilu malá pwi; mumu hinamba, hinapala, chalikonyekene, chichi kahiluka kunyima.

Mukanda Wa Zambi 1970

²⁸ Hashi muhanenganyana; lilu mulikalaa bwii. Mwene Zambi hanambe; kechi kalumuna manyonga jenyi. Hanabatula, kechi kwalumuna.

Jeremia 4:28 Iomraidhean Croise

Izaya 24:4

Hashi kuhanalili ni kulela, muno-muze munahongo ni kulela; ni malilu kanahongo hamwe ni hashi.

Izaya 34:4

Mbunga ya mwilu muyikapola, ni malilu maavunga ngwe mukanda wa chivungo. Wunji wo muukaholoka ngwe mafwo akuholoka ku mutondo wa uva, ngwe mafwo akuholoka ku mukuyu.

Izaya 5:30

Kumakakenanyinako ha tangwa lize ngwe kuchungula cha kalunga-lwiji. Nyi umwe matala ku chifuchi, kumanyi milima ni kupinda, ni mwalwa unala ni malelwa jako.

Izaya 50:3

Nakujika malilu ni milima; nakwafuka ni chikeleyi.

Jeremia 12:11

Hanachipwisa cha kwenyeka; chakulinyenga kuli yami se chapwa cha kwenyeka. Chifuchi cheswe chapwa cha kwenyeka, alioze niumwe kanachise mbunge.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 23:20

Utenu wa Yehova kuuchi kahiluka kunyima ndo halinga ni kumanununa yize hapala mu manyonga jenyi. Ha matangwa a kusula muchinulumbunuka zwalala.

Jeremia 30:24

Utenu usasu wa Yehova kuuchi kahiluka ndo halinga ni kumanuna upale wa manyonga jenyi. Ha matangwa a kusula chino muchinulumbunuka.

Jeremia 51:12

Mikenu mbandeira ya kulimika ni yipanga ya Babilonia ya mawe; kolesenu tulayi; tongolenu tulayi; lulikenu kujikinyina. Mumu Yehova hanalulika, hanalingi chize ahanjikile ha kutwala kuli waze atwama mu Babilonia.

Jeremia 7:16

Ni yena, kanda ulembela vungu lino; kanda usaho muteto hanji kulemba hali ayo; kanda uahakwila kumeso jami, mumu chakupanjikile.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Ezekiel 24:14

Yami Yehova ngunachambe, kumuchikapwa, kumungukachilinga. Chichi kahiluka kunyima; chichi kanuvwila keke; chichi kalikonyeka. Mwene Yehova kanambe ngwenyi, Mungukanupatwila nikulita ni ndako jenu ni yitanga yenu.

Hosea 13:14

Mungwakula ku tachi ja Shiole? Mungwahula ku kufwa? Ena kufwa, yilungo ye yilihiyo? Ena Shiole, kwonwona che Chilihicho? Keke hiyanguswamina ku meso jami.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Joele 1:10

Minda hanayenyeka. Chifuchi chinalili, mumu mbuto hanayenyeka. Vinyu yaha hiyinomu, ni maji hanatepuluka.

Zakaria 8:14

Mumu Yehova-wa-Tujita kanambe ngwenyi, Chizechene ngwe napalile kulinga chuma chikalu kuli yenu muze tulamba twenu angwihile, ni yami chalikonyekene,

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Mateu 27:45

Achi, chize ku ola yamuchisambano kwapwile milima hashi heswe ndo ku ola yamuchilivwa.

Marku 15:33

Muze hapwile ola yamuchisambano, kwapwile milima ha chifuchi cheswe ndo ola yamuchilivwa.

Luka 23:44

Hapwile ngwe ola yamuchisambano, ni milima yejile hashi heswe ndo ola yamuchilivwa.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Efesu 1:9

Nikutunyingikisa chijimbikilo cha upale wenyi, nikulita ni chize chamupemena, chize waliselele kulinga muli iye mwene;

Hebreu 7:21

(mumu waze chamwenemwene aapwishile asasendote te shingo liakuhi, aiioze iye nikulishinga, kuli yoze wambile kuli iye ngwenyi, Mwene walishingile, kechi kalikonyeka ngwenyi, Yena uli sasendote ndo ku miaka ya mutolo nikulita ni ngango ya Melekizeteke).

Usolwelo 6:12

Namwene muze apakwile Chijikilo chamuchisambano, kwapwile minyiko yinene; ni tangwa lialumukine lilá ngwe chikeleyi chilá, ni kakweji mweswe walumukine ngwe manyinga.

1 Samuel 15:29

Ni chikwo nawa, mwe Mulemu-wa-Izalele kechi kwamba mahuza hanji kulikonyeka. Mumu iye hi mutu ko akalikonyeke.