Jeremia 4:26 - MUKANDA USANDU WA ZAMBI 1975

²⁶ Natalile, kumanyi chifuchi cha mihuko hichalumuka puya, yihunda yacho yeswe hanayipuzula, kumeso ja Yehova ni ufwatulo wenyi usasu.

Mukanda Wa Zambi 1970

²⁶ Chifuchi cha chinuno yichalumuka puya; membo jacho yeenyeka mumu ha ufwatulo wa Mwene Zambi.

Jeremia 4:26 Iomraidhean Croise

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Miaso (Masamu) 76:7

Yena, yena mwene chatamba kukuvwila woma. Iya mamana kumeso je nyi hiwatenuka?

Jeremia 12:13

Hakuwa tiliku alioze hacha mbimbo, halivwisa yikola alioze kufumbuka chakuhi, mihuko yenu munuyivwila sonyi, mumu ha utenu usasu wa Yehova.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 25:11

Chifuchi chino cheswe muchalumuka cha kwenyeka ni cha mwongo, ni minyachi yino muyilingila mwanangana wa Babilonia makumi shimbiali a miaka.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Lungungu 2:7

Mwene hanalelesa chilumbilo chenyi, hanalikate muma mwenyi musandu. Hanakunjika kuli akwa kole yipanga-ya-mawe ya palasiu jenyi. Chizungozungo chapwile mu zuwo lia Yehova ngwe ha tangwa lia chiwanyino cha kufunjika.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.