Jeremia 4:24 - MUKANDA USANDU WA ZAMBI 1975

²⁴ Natalile ku milundu, yinachikima, mindundena yeswe yinalihiji.

Mukanda Wa Zambi 1970

²⁴ Yingutala milundu, te yinanyiki; yingutala mindundena, te yinatekenga.

Jeremia 4:24 Iomraidhean Croise

1 Yitanga Ya Mianangana 19:11

Yehova yamba ngwenyi, Tuhuka umane ha mulundu kumeso ja Yehova. Kumanyi Yehova yapalika. Fuji yinene ya tachi yapula milundu nikushiha mawe tuyipinji kumeso ja Yehova, alioze Yehova kapwile mu fuji. Kulutwe lia fuji kwejile munyiko alioze Yehova kapwile mu munyiko.

Miaso (Masamu) 18:7

Haze hene hashi hanyikine nikuchikima, fundamentu ja milundu nawa jachikimine, janyikine mumu iye hanatenuka.

Miaso (Masamu) 77:18

Liji lia kukulunguza che liapwile mu chijimbi. Mihenyo ye yapangulwishile hashi. Mavu achikimine ni kulinyika.

Miaso (Masamu) 97:4

Mihenyo yenyi yapangulwishile yifuchi yeswe. Hashi hachimwene nikuchikima.

Kutuhuka 19:18

Mulundu weswe wa Sinai te unatuhwisa mwishi mumu Yehova te hahulumukinaho mu kahia. Mwishi wawo yiwanduka ngwe mwishi wa ku lutengo. Mulundu weswe yiunyika chikolo.

Izaya 13:13

Kashika mungukachikimisa malilu, ni hashi muhanyika homa haho, ku ufwatulo wa Yehova-wa-Tujita ha tangwa lia utenu wenyi usasu.

Izaya 24:20

Hashi hanapiepieta ngwe mukwa kuzengewa, hanatekenga ngwe chikulika. Utanguko waho unashate, muhaholoka, mba kuhechi kuhinduka nawa.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Ezekiel 38:20

Yishi a mu kalunga-lwiji, ni tujila a mu tetela, ni tushitu a mu yambu, ni tututu eswe akukalala ha mavu, ni atu aze eswe atwama hashi, eswe makachikima kumeso jami. Makanunguna milundu, ni kuze kwachikuluka mukukapuzuka, ni yipanga yeswe ya mawe muyikalimbuka hashi.

Mika 1:4

Milundu muyikasangunuka kushi lia yiliato yenyi, ni yikulo muyikapulika ngwe sera kumeso ja kahia, ngwe meya akuzujila homa ha kupalumuka.

Habakuke 3:10

Milundu yakumwene, yevwile woma. Meya a tachi apukumukine; kalunga-lwiji watetele nikuzundula moko jenyi kwilu.

Habakuke 3:6

Yamana; yeseka hashi; yatala; yasakumuna mavungu. Mba milundu ya mutolo yiyimwangana; mindundena ya miaka yahuwa. Majila jenyi apwile ngwe ku shakulu.

Usolwelo 6:14

Ni lilu liatandulukile ngwe mukanda muze mauvunga; ni milundu yeswe ni matungu eswe yatutulukile kuma kwayo.