Jeremia 4:22 - MUKANDA USANDU WA ZAMBI 1975

²² Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Mukanda Wa Zambi 1970

²² Mwene Zambi kanambe ngwenyi: “Atu jami kaali yihepuke; kaangunyingikine. Kaali ngwe yihepuke ja ana; keeshi malinjekela. Kaali ni mana akulinga ungulungulu, alioze kaali akwa ngwaza ha kulinga yibema.”

Jeremia 4:22 Iomraidhean Croise

Ubutukilo 39:16

Chocho pwo wafungile chikuto chenyi ndo ku kwiza cha mwata wenyi.

2 Samuel 13:3

Alioze te kali ni umwe sepa, jina lienyi Jonadabe mwana wa Shimea, yayo ya David. Yono Jonadabe mukwa malinjekela anji.

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Miaso (Masamu) 36:4

kakulisela jila yize kuyapemene. Yuma yipi keshi kuyivwila lwaji.

Miaso (Masamu) 53:4

Akwa kulinga uhenge keshi mana nyi? Waze akulia atu jami ngwe akulia mbolo, nikutambika kuli Zambi ka.

Miaso (Masamu) 82:5

Kanyingikine. Kuchaalumbunukine. Kahulihiza mu milima. Fundamentu jeswe ja hashi jinanyiki.

Yishima 28:5

Upatwilo kuwalumbunukine kuli atu api; alioze yuma yeswe yinalumbunuka kuli waze akufupa Yehova.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Jeremia 10:8

O yelo, kanda yihepuke; longeso lia tuponya ngwami mutondo.

Jeremia 13:23

Te Ka-Etiopia mahasa kwalumuna kowa lienyi? Hanji changwi mahasa kwalumuna yipeka yenyi? Nyi o mahasa ni yenu munuhasa kulinga yipema, yenu nwalijilila nikulinga yipi.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 4:21

Ndo mwiji muka mungumona mbandeira ni kwivwa liji lia chitavwi?

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Jeremia 5:4

Yingwamba ngwami, Wano yiswale wika, keshi mana, mumu kanyingikine jila ya Yehova, shimbi ya Zambi yo.

Jeremia 9:2

Nyi kachi napwa ni kamwe kazuwo ka ngeji mu puya, hanga ngukahichike atu jami ngukaye kusuku no! Mumu eswe anapu akwa utanji, mbunga ya malunga a mafwefwe.

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Jeremia 9:5

Mutu mweswe kakwonga mwenyembo wenyi, niumwe kakuhanjika umwenemwene, hanalongesa malimi jo kuhanjika mahuza, kakulikatalisa ni kuvulumiona.

Ezekiel 16:30

Mwene Yehova kanambe ngwenyi, Mbunge ye yayijile ni usolo ha kulinga yuma yipwa haha, yitanga ya chikoi keshi sonyi;

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Hosea 5:4

Yitanga yo kuyaatayijile kuhiluka kuli Zambi yo. Mumu mbunge ja ukoi ali najo, chikwo nawa Yehova kamunyingikine.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Mika 2:1

Lamba kuli waze akutaka ungulungulu, nikunyonga yipi ha mihela yo! Mu kucha mayilinga mumu machihasa ni tachi jo.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Luka 16:8

Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

Yoano 16:3

Yino yuma makalinga, mumu kanyingikine Tata, chipwe yami, ka.

A-ROMA 1:22

Shimbu malivulwoka akwa mana, alumukine yihepuke.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

A-ROMA 16:19

Mumu kwononoka chenu hichinafumana kuli eswe. Nakuwahilila kashika hali yenu: alioze ngunazange nukapwe akwa mana ku yipema, a kusamba ku yipi.

A-ROMA 3:11

yoze wakunyingika wakuhi niumwe; yoze wakufupafupa Zambi wakuhi niumwe.

1 Korintu 14:20

Mandumbu, kanda nupwa ana mu kunyonga chenu: hindu mu uhuka pwenu ana-akemba, alioze mu kunyonga pwenu makulwana.

Shimbi 32:28

Mumu hapwa vungu kulishi mana. Chinyingi chakuhi muli ayo.

Shimbi 32:6

Chocho munukundulula kuli Yehova, enu atu a uhepuke ni lwelia? Te hi tatenu ko? Yoze wanutangile, wanuwumbile, wanukolesele?