Jeremia 4:20 - MUKANDA USANDU WA ZAMBI 1975

²⁰ Kuji-ni-tomo linalihange ni kuji-ni-tomo; chifuchi cheswe chapwa cha kwenyeka. Susumuku honwona mbalaka jami, ni kurtina jami ni shimbu liakuhi.

Mukanda Wa Zambi 1970

²⁰ Lamba linakaula lamba ni likwo; chifuchi cheswe haachenyeka. Susumuku heenyeka mazuwo jetu akutunga ni makubu; haatanwona yikalakala yo.

Jeremia 4:20 Iomraidhean Croise

Miaso (Masamu) 42:7

Jondo yakutambika ku jondo ha lundunjila wa yipupa ye. Mikanya ye yeswe ni kufuza che cheswe hichapalika hali yami.

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Kutuhuka 33:5

Yehova yamba kuli Mose ngwenyi, Ambulwila A-Izalele ngwe, Nuli akwa pami, kachi mungukanduka hakachi kenu ha shimbu likepe kachi mungukanwonwona lume. Kashika haliapwila Chizenu yuma yenu ya uhenya hanga ngunyingike chize mungulinga ni yenu.

Izaya 13:6

Lilenu mbimbi, mumu tangwa lia Yehova hiliakundama; muliza ngwe kwenyeka cha kuli Mukwa-Ndundo-Jeswe.

Izaya 15:5

mbunge yami yinatete mumu ha Moape; waze anakatukako kanachinyina ku Zoare, ni ku Eglata-Shelishia. Mumu ha ukandukilo wa Luhite kanakanduka nikulila. Mu jila ya ku Horonaime kanakalumioka ni liji lia kwonwona.

Izaya 33:20

Tala ku Zaione chihunda cha yiwanyino ya kufunjika! Meso je makamona Yerusaleme, chihunda cha kuhwima, mbalaka kuyichi katutuluka, mbambo jayo kechi kajizula nilimwe tangwa, ni mihipu yayo kuyichi kapatuka.

Izaya 47:9

Yino yuma yiali muyiza kuli yena susumuku, ha tangwa limuwika; ngwami, kufwisa ana ni utwamishi muyikushata liakulu; chipwe uli ni umbanda unene, ni tachi jinji ja wanga we.

Izaya 54:2

Tohesa chihela cha mbalaka ye, zazulula mahina ja mazuwo je. Kanda ukokoloka; suhisa mihipu ye, kolesa mbambo je.

Jeremia 12:11

Hanachipwisa cha kwenyeka; chakulinyenga kuli yami se chapwa cha kwenyeka. Chifuchi cheswe chapwa cha kwenyeka, alioze niumwe kanachise mbunge.

Jeremia 17:18

Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Jeremia 4:21

Ndo mwiji muka mungumona mbandeira ni kwivwa liji lia chitavwi?

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 4:6

Zundulenu mbandeira kutalikisa ku Zaione; chinenu ha ulamwino, kanda nulaluka, mumu ngunaneha chipi cha ku Norte, kwonwona chinene.

Jeremia 9:18

Atambuke aputuke kutulilila mbimbi, hanga mu meso jetu musulumioke masoji, ni yindayizo yetu yikapukumune meya.

Lungungu 3:47

Mwongo ni mawumbu hiyatuwana ni kwenyeka ni kwonwona.

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Joele 1:15

Mama yami! Lie tangwa! Lie tangwa lia Yehova hiliakundama. Muliza ngwe kwonwona cha kuli Mukwa-Ndundo-Jeswe.

Alevi 26:18

Nyi chipwe chocho kunwanguvwile, mba mungunulamba cheka nawa yisuho shimbiali ha milonga yenu.

Alevi 26:21

Nyi hindu munwenda nikulimika ni yami nikungwivwa ka, mba mungutuma yipupu yikwo hali yenu, muyihiana ha milonga yenu yisuho shimbiali.

Alevi 26:24

mba ni yami nawa mungulimika ni yenu. Yami mwene mungunulamba yisuho shimbiali ha milonga yenu.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Habakuke 3:7

Namwene mbalaka ja Kushane ni kupinda chajo. Mahina ja chifuchi cha Mindiane achikimine.

Kwalula 16:21

Lihandununenu ku chikungulwila chino, hanga ngwamanune mu kashimbu kakepekepe.

Kwalula 16:45

Katukenu hakachi ka chikungulwila chino, hanga ngwamanune mu kashimbu kakepekepe. O yafulamana hashi.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

2 A-TESALONIKA 1:9

Kumakaafwetesa ha milonga yo, kwenyeka cha mutolo muma mwa kuhandunuka kumeso ja Mwene, ni ku uhenya wa ngolo jenyi;