Jeremia 4:19 - MUKANDA USANDU WA ZAMBI 1975

¹⁹ Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Mukanda Wa Zambi 1970

¹⁹ Mama lambee! Mama lambee! Mama mbunge yami! Mbunge yami yinabinji! Chahashile kulihumikiza, ngunevu yitavwi ni milolo ya jita.

Jeremia 4:19 Iomraidhean Croise

Ubutukilo 49:6

Mbunge yami kanda ukanjila mu punga yo; uhenya wami kanda ulifutula no muze makunguluka. Mumu mu utenu wo ashihile atu. Mu pami jo apatwile tujilolo twa ngombe.

1 MIANANGANA 4:19

Yamba kuli tato ngwenyi, Mutwe wamie! Mutwe wamie! Tato yamba kuli ngamba yenyi ngwenyi, Mutwale kuli naye.

1 MIANANGANA 8:11

Mba yamuhulikila meso nikumutala ndo hevwa sonyi, mba mutu wa Zambi yalila.

Miaso (Masamu) 103:1

Mbunge yami, fumanyisa Yehova. Yize yeswe yili muchima liami fumanyisa jina lienyi lisandu.

Miaso (Masamu) 116:7

Mbunge yami hiluka ku uhwimino we, mumu Yehova hanakwehe ya kulumbama.

Miaso (Masamu) 119:136

Ku meso jami tuzololo twa meya kakusulumiokena mumu atu keshi kufunga shimbi ye. Zade

Miaso (Masamu) 119:53

Utenu wa kusasaminya chikolo hanangukwata mumu hali yingulungulu waze akwehuka shimbi je.

Miaso (Masamu) 146:1

Halisenu Yehova! Mbunge yami, halisa Yehova!

Miaso (Masamu) 16:2

Hinamba kuli Yehova ngwami, Yena uli Mwene wami, chishi ni yuma yipema shina muli yena.

Izaya 15:5

mbunge yami yinatete mumu ha Moape; waze anakatukako kanachinyina ku Zoare, ni ku Eglata-Shelishia. Mumu ha ukandukilo wa Luhite kanakanduka nikulila. Mu jila ya ku Horonaime kanakalumioka ni liji lia kwonwona.

Izaya 16:11

Kashika muchima wami kuunatu mikuma ngwe kalialia mumu hali A-Moape, ni mbunge yami nawa hali A-Kiri-Haresete.

Izaya 21:3

Kashika miongo yami yazala ni kupinda, misongo yangukwata, misongo ya pwo nikufumbajala. Ngunafumbama, kashika Chahashile kwivwa. Ngunalifwichi, kashika Chahashile kumona.

Izaya 21:4

Mbunge yami yinalifwichi, mwongo hiwangukumba; ufuku wami wa kuwaha hanangwalumwinawo kuchikima.

Izaya 22:4

Kashika nambile ngwami, Tewulukenu kuli yami, hanga ngulile masoji asasu. Kanda nuhondangana nikunguwumbijeka mumu ha kunonga cha mwana wa pwo atu jami.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 23:9

Ha kutwala kuli aprofeta: Mbunge yami hiyafwa muchima, yifwaha yami yeswe yinachikima. Ngunapu ngwe umwe unazengewa, ngwe yoze vinyu hiyamukumba, mumu hali Yehova ni ha maliji jenyi asandu.

Jeremia 4:21

Ndo mwiji muka mungumona mbandeira ni kwivwa liji lia chitavwi?

Jeremia 4:5

Ambenu mu Yunda; tambikenu mu Yerusaleme ngwenu, Humunenu chitavwi ndusu mu chifuchi, tambikenu ngwenu, Kungulukenu tukaye tukanjile mu yihunda ya kukolesa.

Jeremia 42:14

nikwamba ngwenu, Hi chocho ko, kumutuya ku chifuchi cha Engitu, kuze kutuchi kamona jita, hanji kwivwa liji lia chitavwi, hanji kwivwa zala ya mbolo, kwenako mututwama.

Jeremia 49:2

Kashika Yehova kanambe ngwenyi, Matangwa kaneza muze munguneha mutambi wa jita mu matwi, wa kulimika ni Raba ya A-Amone. Muyalumuka mulumba wa hululu, ni tuyihunda twako matwocha ni kahia, mba henaho Izalele makasalakana waze amusalakanyine. Chocho kanambe Yehova.

Jeremia 50:22

Chizungozungo cha jita chili mu chifuchi, ni kwonwona chinene.

Jeremia 6:24

Hitwevwa lufuma wacho, mba moko jetu kanazeye ni upekepeke. Kupinda hichatukwata; yikola ngwe ya pwo ha kufumbajala.

Jeremia 8:18

Chinyengo chami chahiana chize mahasa kuwuka, mbunge yami yinayiji muchima liami.

Jeremia 8:21

Mbunge yami yili ni chilonda mumu ha chilonda cha mwana wa pwo atu jami. Ngunalishimwoka; mwongo wangukwata.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:20

Yehova, tala, mumu nguli mu lamba, mwono wami unalifwichi, mbunge yami yinawondeka muchima liami mumu hinakukatukila chikolo. Ha matapalo katana kanafwisa atu mu zuwo mwapwa ngwe ufwe.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 7:15

Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Kwalula 10:9

Mu chifuchi chenu muze munwasa jita ni mukwa kole wa kunumwesa lamba, nukembe yitavwi ya kutoweza, mba makanwiwuluka kumeso ja Yehova Zambi yenu. Makanulamwina kuli akwa kole jenu.

A-ROMA 10:1

Mandumbu, che kuzanga cha mbunge yami, ni kuliumba chami kuli Zambi hali ayo, hanga akaalamwine.

1 Korintu 14:8

Mumu kachi chitavwi muchihana liji lize kulialumbunukine, iya malulika ha jita?

Galashia 4:19

Ana jami akepe, hali yenu nakwivwa yikola ya kusema cheka nawa ndo Kristu matengewa muli yenu;

Akwa Kuyula 5:21

Mba muhwiji wa Kishone waahungumwine. We muhwiji Ukulu; muhwiji wa Kishone. Mbunge yami, mba hiyaliata hali akwa ndundo!