Jeremia 4:17 - MUKANDA USANDU WA ZAMBI 1975

¹⁷ Ngwe tulayi a kufunga munda hanaseleka kweswe kwa kujingilika, mumu hanangukolema. Chocho kanambe Yehova.

Mukanda Wa Zambi 1970

¹⁷ Kumaakajikinyina Yerusaleme ngwe tufunga twa munda, mumu atu jenyi haakatukila Mwene Zambi. Mwene Zambi wachamba.

Jeremia 4:17 Iomraidhean Croise

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Izaya 1:8

Mwe mwana-pwo Zaione hanamuhichika ngwe chikulika mu munda wa uva; ngwe chisakila mu munda wa kasakwa, ngwe chihunda hanachiseleka.

Izaya 30:9

Mumu o kapwa vungu lia uhulia, ana ja mahuza, ana aze kechi kwivwa kufumba cha Yehova.

Jeremia 5:23

Alioze akwa vungu lino kali ni mbunge ja pami ni kukolema. Hanapianguka, hanayi kusuku.

Jeremia 52:4

Ha mwaka wamuchilivwa wa kuyula chenyi, ha kakweji wamuchikumi, ni tangwa liamuchikumi lia kakweji, Nabukanezore mwanangana wa Babilonia yeza ni tujita twenyi eswe kulimika ni Yerusaleme. Yasa chilombo chenyi kulimika nacho; yatunga mbonge kweswe kwa kujingilika.

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Lungungu 1:8

Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Shimbi 9:24

Chize ku tangwa lize nanunyingikine, hinwakolema Yehova.