Jeremia 4:15 - MUKANDA USANDU WA ZAMBI 1975

¹⁵ Mumu liji limwe linakololoka ku Ndane nikutambika chipi ku mulundu wa Eframe.

Mukanda Wa Zambi 1970

¹⁵ Tunganda a ku limbo lia Dane ni a ku milundu ya Efraime kaanambulula sango jibi.

Jeremia 4:15 Iomraidhean Croise

Izaya 52:7

Ha milundu cho kuwaha cha molu ja mukwa Sango lipema, yoze wakwambujola sambukila, nikuneha sango lia kuwaha lia yuma yipema, kakwambujola ulamwino; kakwamba kuli Zaione ngwenyi, Zambi ye kanayulu.

Jeremia 10:22

Ivwenu lufuma umwe! Kuchineza! Chizungozungo cha ku chifuchi cha Norte, yihunda ya Yunda yikalumuke ya hululu, yipombelo ya mikuza.

Jeremia 6:1

Enu atu ja Mbenjamine Chinenu mu Yerusaleme, nukawane ulamwino! Humunenu chitavwi mu Tekoa, senu chilayi ha Mbete-hakereme. Mumu chipi chinamoneka ku Norte, ni kwonwona chinene.

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Yoshua 17:15

Yoshua yamba kuli ayo ngwenyi, Nyi nuli atu anji yénu ku usaki nukalivukile ku chifuchi cha A-Perize, ni A-Refane, se chifuchi cha Eframe ku milundu chanukeha naye.

Yoshua 20:7

Chocho ahandunwine Kendeshe mu Ngalileya mu chifuchi cha Napatali mu milundu, ni Shekeme mu chifuchi cha Eframe mu milundu, ni Kiriate-Arpa (ngwami Heprone) mu chifuchi cha Yunda mu milundu.

Akwa Kuyula 18:29

Yaluka limbo ngwo, Ndane, nikulita ni jina lia kalamba ko Ndane yoze amusemene kuli Izalele, alioze jina lia limbo hatangu te Laishe.

Akwa Kuyula 20:1

Henaho A-Izalele eswe atuhukile, chize ku Ndane ndo ku Mbia-shipa hamwe ni chifuchi cha Ngiliate. Chikungulwila chakungulukile ngwe mutu limuwika kuli Yehova ku Mizepa.