Jeremia 4:14 - MUKANDA USANDU WA ZAMBI 1975

¹⁴ Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Mukanda Wa Zambi 1970

¹⁴ Yerusaleme, likose ungulungulu wa ku mbunge ye, mba hanga akulamwine. Miaka yingahi muyibalika mba weche manyonga je abi?

Jeremia 4:14 Iomraidhean Croise

Miaso (Masamu) 119:113

Nakuvwila kole akwa mbunge jiali, alioze kunazanga shimbi ye.

Miaso (Masamu) 51:2

Ngusanyise kama liakulu ku uhenge wami; ngupemese ku shili yami.

Miaso (Masamu) 66:18

Nyi mungunyonga uhenge mu mbunge yami, Mwene kechi kungwivwa.

Yishima 1:22

Enu yizuzuke, ndo mwiji muka munuzanga uzuzuke? Ndo mwiji muka akwa kulenya mawahilila ni kulenya cho? Ndo mwiji muka yihepuke mavwila kole yinyingi?

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 17:1

Shili ya A-Yunda hanayisoneka ni chisonekeso cha utale. Hanayolo ni songo lia diamante ha mbunge jo, ni ha mbinga ja yilumbilo yo,

Jeremia 18:11

Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Jeremia 2:22

Chipwe musana ni soda ni sabau yinji hindu luchisa wa uhie we kwali kumeso jami. Chocho kanambe Mwene Yehova.

Jeremia 6:19

Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Zakaria 8:17

kanda nulitakila chipi mu mbunge jenu umwe kulimika ni mukwo; kanda nuzanga shingo lia mahuza. Mumu Yehova kanambe ngwenyi, Yino yeswe yangupihila.

Mateu 12:33

Pemesenu mutondo, ni mihuko yawo muyipwa yipema; hanji pihisenu mutondo ni mihuko yawo muyipwa yipi: mumu mutondo kanaunyingika ku mihuko yawo.

Luka 11:39

Alioze Mwene wambile kuli iye ngwenyi, Achi, yenu A-Fwariseu nwakupemesa haze lia musenge ni lia panda; alioze muchima lienu munazala ni mbenga ni ungulungulu.

Yoano 13:9

Semone Petulu yamba kuli iye ngwenyi, Mwene, hi yiliato yami wika ko, alioze moko jami nawa ni mutwe wami.

Yilinga 8:22

Likonyeke kashika ha uno uhuka we, uliumbe kuli Mwene kachi makukonekena kama chitaka cha mbunge ye.

A-ROMA 1:21

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

1 Korintu 3:20

Ni cheka nawa ngwo, Mwene kananyingika kutaka cha akwa mana kuchaseka.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.