Jeremia 4:10 - MUKANDA USANDU WA ZAMBI 1975

¹⁰ Ami yingwamba ngwami, Mwene Yehova, hiwonga liakulu wano atu ni A-Yerusaleme ngwe, Muchipwa chipema ni yenu, alioze katana hanahete kwe ku mwono wo.

Mukanda Wa Zambi 1970

¹⁰ Mba yingwamba ngwami: “Mwene Zambi hiwonga akwa Yerusaleme liakulu! Wambile ngwe mukukabwa uhwimino, alioze mukwale uli ha kota jo.”

Jeremia 4:10 Iomraidhean Croise

Kutuhuka 5:22

Mose yahiluka kuli Yehova, yamba ngwenyi, Mwene kuchi te hiwalinga chipi kuli atu ano, mumu yika unakangutumina?

Kutuhuka 9:14

Chisuho chino kumungutuma misongo yami yeswe ku mbunge ye, ni kuli ngamba je, ni kuli atu je, ukanyingike ngwe, Hashi heswe wakuhi niumwe walifwa ni yami, ka.

Izaya 30:10

Kuli akwa kumona kakwamba ngwo, Kanda numona! Ni kuli aprofeta kakwamba ngwo, Kanda nuprofeteza kuli yetu chize Chinapeme. Hanjikenu kuli yetu yuma ya kupepieka, profetezenu yuma ya kulitambila.

Izaya 37:35

Mumu yami kumungukafunga chihunda chino nguchilamwine ha mukunda wa yami mwene, ni wa kavumbi kami David.

Izaya 63:17

Yehova, kuchi te wakutupiangula ku majila je? Kuchi te wakukalisa mbunge jetu, kashika kutwakuvwilile woma? Hiluka ha mukunda wa tuvumbi twe, minyachi ya chihinga che.

Jeremia 1:6

Ami yingwamba ngwami, Mwene Yehova, Chanyingikine kuhanjika mumu nguchili mukweze.

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Jeremia 5:12

Hanahanjikila mahuza Yehova ngwo, Kechi kulinga nichimwe; chipi nichimwe kuchichi kutuwana; chipwe katana, chipwe kapunga, kutuchi kuyimona.

Jeremia 6:14

Hawuka chilonda cha atu jami hakehe wika, nikwamba ngwo, Sambukila, sambukila, muze sambukila yakuhi.

Jeremia 8:11

Hawuka chilonda cha mwana wa pwo atu jami hakehe wika, nikwamba ngwo, Sambukila, sambukila, muze sambukila yakuhi.

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Ezekiel 11:13

Shimbu munguchiprofeteza, Pelatia mwana Benaia yafwa. Mba yami yingufulamana hashi nikuteta ni liji linene ngwami, Mwene Yehova! Unambe kumanununa e masalila ja A-Izalele nyi?

A-ROMA 1:24

Kashika Zambi waakunjikile mu usolo wa mbunge jo ku luchisa, mukusaula mijimba yo hakachi ko.

A-ROMA 1:26

Ha chikuma chino Zambi waakunjikile ku kusasaminya cha sonyi: mumu mapwo jo alumwine chize chinate ni chisemewa mu chize kuchatele:

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele: