Jeremia 4:1 - MUKANDA USANDU WA ZAMBI 1975

¹ Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Mukanda Wa Zambi 1970

¹ Mwene Zambi kanambe ngwenyi: “Yenu Aisraele, nyi nunazange kwalumuna, alumukenu nuhiluke kuli yami. Nyi nwambila mahamba waze nakuvutwokela ni kushachila hali yami,

Jeremia 4:1 Iomraidhean Croise

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

1 MIANANGANA 23:13

Manangamo aze apwile kulutwe lia Yerusaleme, aze apwile ha sali lia chindume lia mulundu wa luchisa, te Solomone mwanangana wa Izalele waatungile hali Asatarote chizelwokeso cha A-Sendone, ni hali Chemoshe chizelwokeso cha A-Moape, ni hali Milikome chizelwokeso cha A-Amone, o nawa mwanangana yachisa.

1 MIANANGANA 23:24

Chikwo nawa waze eswe apwile ni mahamba, ni akwa umbanda, ni terafimi, ni tuponya, ni yizelwokeso yize yeswe awanyine mu chifuchi cha Yunda ni mu Yerusaleme, Josia yayichiza akalite ni maliji a shimbi aze a kusoneka mu mukanda sasendote Hilekia wawanyine mu zuwo lia Yehova.

2 Sango Ja Mianangana 15:8

Ha kwivwa maliji ano, ni uprofeto wa profeta Odede, Asa wahamukine ni kuchiza yizelwokeso mu chifuchi cheswe cha Yunda ni Mbenjamine, ni mu yihunda yize hatambula mu chifuchi cha Eframe ku milundu. Yalulika nawa chilumbilo cha Yehova cha kulutwe lia senge lia Yehova.

2 Sango Ja Mianangana 33:8

Chikwo nawa chichi kachiza yiliato ya A-Izalele ha mavu ja chifuchi chino hinasela tulamba twenu, nyi matala kanawa kulinga yuma yeswe naatumine; shimbi yeswe ni yiyulo yeswe ni maliji eswe ku kwoko lia Mose.

2 Sango Ja Mianangana 34:33

Mba Josia yachiza yizelwokeso mu yifuchi yeswe yapwile ya A-Izalele. Yashinjika eswe a mu Izalele kulingila Yehova Zambi yo. Matangwa jenyi eswe kalitwaminyine kukaula Yehova Zambi ya tulamba two.

Izaya 31:6

Hilukenu nawa kuli yoze nwakolemene chikolo, enu atu ja Izalele.

Jeremia 15:19

Kashika Yehova kanambe ngwenyi, Nyi muhiluka mungukuhuzulula, mba mukamana kumeso jami. Nyi muwamba chize chinaleme, hi chize ko chamokomoko, kumuopwa ngwe kanwa liami. O matalikisa kuli yena, hi yena ko mutalikisa kuli ayo.

Jeremia 15:4

Mungwapwisa chuma cha lwaji kuli akwa mawanangana eswe a hashi mumu ha yize yuma Manase, mwana Hezekia, mwanangana wa Yunda walingile mu Yerusaleme.

Jeremia 18:11

Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 3:14

Yehova kanambe ngwenyi, Hilukenu enu ana a mafwefwe, mumu yami nguli mukwa kunuyula. Mungunwandanda umuwika ku chihunda aku hanji aali ku munyachi umwe, ni kununeha ku Zaione.

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 7:3

Yehova-wa-Tujita mwe Zambi ya Izalele ngwenyi, Pemesenu majila jenu ni yitanga yenu, mba mungunutayiza kutwama kuma kuno.

Jeremia 7:5

Mumu nyi munupemesa majila jenu ni yitanga yenu pundu; nyi munulinga ni kulita umwe kuli mukwo ni mukwo,

Jeremia 7:7

nyi munu linga chocho mba mungunutayiza kutwama muma muno, mu chifuchi chize nahanyine ha shakulu kuli tulamba twenu ha miaka yeswe.

Ezekiel 11:18

Mba ha kuhetako makachizamo yuma yize yeswe ya kuvwisa kupiha, ni yuma yeswe ya lwaji.

Ezekiel 18:13

kakuhana mbongo ha mbwezo ni kutambula ja kulifumbula; te iye makatwama ni mwono? Kechi katwama ni mwono. Halinga yino yuma yeswe ya lwaji; kumakafwa; manyinga jenyi makapwa hali iye mwene.

Ezekiel 43:9

Haliapwila ambile mahamba jo, ni mijimba ya mianangana jo afu kusuku ni yami, mba mungukatwama hakachi ko ndo ku miaka yeswe.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 2:2

Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Hosea 7:16

Kakutala kuli Mbale; o kapwa ngwe uta wa mafwefwe. Alemu jo makafwa ni katana mumu ha shino lia malimi jo. Chocho maakekuna mu chifuchi cha Engitu.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

Shimbi 27:15

Kashingiwa mutu yoze masonga kaponya, chipwe mazuzulula umwe, chizelwokeso kuli Yehova, yilinga ya moko ja chilangaji, nikumumika ku tenga. Atu eswe até ngwo, Amene.

Shimbi 4:30

Ha luyinda ni yuma yino yeswe muyinuwana ha matangwa a kusula, mba munukahiluka kuli Yehova Zambi yenu ni kupanjika ku liji lienyi,

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

Akwa Kuyula 10:16

Chocho ambilile hakachi ko mazambi a tundaka apwile no. Alingilile Yehova mba iye wevwilile kupiha luyinda wa Izalele.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.