Jeremia 39:8 - MUKANDA USANDU WA ZAMBI 1975

⁸ A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Mukanda Wa Zambi 1970

⁸ Muze akwa Babilonia hoocha zuwo lia mwanangana ni mazuwo eswe ja atu, yaabuzula yipanga ya Yerusaleme.

Jeremia 39:8 Iomraidhean Croise

1 MIANANGANA 25:8

Ha kakweji wamuchitano ha tangwa liamuchishimbiali lia kakweji (mwaka kumi ni wamuchilivwa wa Nabukanezore mwanangana wa Babilonia) kwejile Nabuzaradane kapitau ka tulayi, kavumbi ka mwanangana wa Babilonia ku Yerusaleme.

2 Sango Ja Mianangana 36:19

Yocha zuwo lia Zambi; yapuzula chipanga-cha-mawe cha Yerusaleme nikwocha palasiu jamo jeswe ni kahia ni kwenyeka yikashi yamo yeswe yipema.

Nehemia 1:3

Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Miaso (Masamu) 79:7

Mumu hanali Yakomba nikwenyeka chihela chenyi cha kutwama.

Izaya 5:9

Yehova-wa-Tujita halishinga mwe mu matwi jami ngwenyi, Pundu mazuwo anji mapwa amokomoko. Mazuwo anene apema keshi ni waze matwamamo.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 21:10

Mumu Yehova kanambe ngwenyi, Hinasa meso jami kulimika ni chihunda chino ha chipi, hi ha chipema ko. Kumunguchihana mu moko ja mwanangana wa Babilonia mba iye kumachocha ni kahia.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 34:2

Yehova Zambi ya Izalele kanambe ngwenyi, Yako uhanjike ni Zedekia mwanangana wa Yunda ukambe kuli iye ngwe, Yehova kanambe ngwenyi, Ngunahana chihunda chino kuli mwanangana wa Babilonia mba iye machocha ni kahia.

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 37:10

Mumu chipwe munukumba tujita eswe ja A-Kaletea wano anase jita ni yenu, ndo mukusala waze halemana wika, mutu mweswe mu mbalaka yenyi, hindu kumakahinduka nikwocha chihunda chino ni kahia.

Jeremia 38:18

Alioze nyi kunwazeyele kuli alemu ja mwanangana wa Babilonia chihunda chino machikunjika kuli A-Kaletea; machocha ni kahia ni yenu kunuchi kuputuka kuli ayo.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.

Lungungu 2:2

Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Lungungu 2:7

Mwene hanalelesa chilumbilo chenyi, hanalikate muma mwenyi musandu. Hanakunjika kuli akwa kole yipanga-ya-mawe ya palasiu jenyi. Chizungozungo chapwile mu zuwo lia Yehova ngwe ha tangwa lia chiwanyino cha kufunjika.

Ezekiel 16:41

Makocha mazuwo je nikukulinga upatwilo kumeso ja mapwo anji. Mungukamanyisa ndako je ja ukoi; kuchi kafweta nawa malunga.

Ezekiel 23:47

Mba akwa chihuji makaasa mawe nikwamanununa ni tutana. Makashiha ana jo a malunga ni a mapwo, ni kwocha mazuwo jo.

Ezekiel 33:21

Ha mwaka kumi ni wamuchiali wa unjize wetu, ni kakweji wamuchikumi, ni tangwa liamuchitano lia kakweji, umwe lunga te hanakatuka ni mwono ku Yerusaleme, heza kuli yami ngwenyi, Che chihunda hachipupa.

Amose 2:5

Chocho mungutuma kahia hali Yunda mukalalisa mbonge ja Yerusaleme.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.