Jeremia 39:7 - MUKANDA USANDU WA ZAMBI 1975

⁷ Yalokola meso ja Zedekia; yamukasa ni malenge amutwale ku Babilonia.

Mukanda Wa Zambi 1970

⁷ Mwabwamuze yaalokola meso ja Zedekia, yaamukasa ni ngoji ja utale, yaamutwala ku Babilonia.

Jeremia 39:7 Iomraidhean Croise

1 MIANANGANA 25:7

Yashiha ana ja Zedekia a malunga kumeso jenyi, mba yamulokola meso jenyi. Yamukashila mu malenge; yamutwala ku Babilonia.

Miaso (Masamu) 119:8

Mungufunga yiyulo. Kanda ungwehuka liakulu. Bete

Jeremia 20:4

Mumu Yehova kanambe ngwenyi, Mungukupwisa mwongo kuli yena mwene ni kuli masepa je eswe. Makafwa ku tutana twa akwa kole jo shimbu yena muchitala. Mungukunjika A-Yunda eswe mu moko ja mwanangana wa Babilonia; makaatwala funge ku Babilonia ni kwashiha ni katana.

Jeremia 34:3

Kuchi kwomboka mu kwoko lienyi, alioze pundu makukwata ni kukukunjika kuli iye. Mukamona mwanangana wa Babilonia liso ni liso, mukahanjika nenyi meso ni meso mba muoya ku Babilonia.

Jeremia 44:30

Yehova kanambe ngwenyi, Kumungukakunjika Falau Hofara mwanangana wa Engitu kuli akwa kole jenyi ni kuli waze anafupu kumushiha, chizechene ngwe nakunjikile Zedekia mwanangana wa Yunda kuli Nabukanezore mwanangana wa Babilonia mukwa kole yenyi kanda mukwa kufupa kumushiha.

Jeremia 52:11

Yalokola meso ja Zedekia, yamukashila mu malenge, mba mwanangana wa Babilonia yamutwala ku Babilonia, yamusa mu zuwo lia ususu ndo tangwa lia kufwa chenyi.

Ezekiel 12:13

Mungukamuzazulwila wanda wami; makakwachika mu kambwila liami; mungukamutwala ku Babilonia mu chifuchi cha A-Kaletea, alioze kechi kachimona, hindu mafwilako.

Akwa Kuyula 16:21

A-Filistea amukwachile, yamutombongona meso jenyi, yamutwala ku Ngeza, yamukasa ni kúli ja unengu, watwile wunga mu utwilo wa zuwo lia ususu.