Jeremia 39:5 - MUKANDA USANDU WA ZAMBI 1975

⁵ Alioze maswalale ja A-Kaletea yaahanga, yaliheta ni Zedekia mu yana ya Yeriku, mba muze hamukwata yamuneha kuli Nabukanezore mwanangana wa Babilonia ku Ribila, mu chifuchi cha Hamate. Kwenako yamupatwila.

Mukanda Wa Zambi 1970

⁵ Alioze tujita twa Babilonia yaakaula, yaakwachila mwanangana Zedekia mu yana hehi ni Yeriku. Yaamutwala kuli mwanangana Nebukanezore, ku limbo lia Ribla mu chifuchi cha Hamate. Kwenako amubatwilile kuli mwanangana Nebukanezore.

Jeremia 39:5 Iomraidhean Croise

2 Samuel 8:9

Muze Toi mwanangana wa Hamate evwile ngwo, David hashiha tujita eswe a Hadadezere,

1 MIANANGANA 17:24

Mba mwanangana wa Asuria yachiza atu ku Babilonia, ni ku Kuta, ni ku Ava, ni ku Hamate, ni ku Sefavaime; yaasa mu yihunda ya Samaria kusalakana A-Izalele. O yazuka Samaria; yatwama mu yihunda yako.

1 MIANANGANA 23:33

Falau-Neko yamukashila mu Ribila mu chifuchi cha Hamate kumuchinda kuyula mu Yerusaleme; yafwetesa nawa che chifuchi milambu ya kulakaji lia *talentu ja prata ni *talentu yimuwika ya oru.

1 MIANANGANA 25:6

Yakwata mwanangana, yamutwala kuli mwanangana wa Babilonia ku Ribila. Kwenako amusopeselele.

2 Sango Ja Mianangana 33:11

Kashika Yehova waatumine tupitau twa tujita twa mwanangana wa Asuria. Yakwata Manase mu malenge; yamukashila mu kuli, nikumutwala ku Babilonia.

Izaya 22:3

Akwa kunuyula hachina hamuwika, hanaakwata ni uta wakuhi. Eswe hakachi kenu awanyine akwachile, chipwe hachinyina kusuku.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 24:8

Alioze Yehova kanambe ngwenyi, Ngwe makuyu api, hapiha chocho mutu kechi kuhasa kwalia, chocho mungulinga ni Zedekia mwanangana wa Yunda, ni alemu jenyi, ni masalila ja A-Yerusaleme waze masala mu chifuchi chino ni waze anatwama mu chifuchi cha Engitu.

Jeremia 38:18

Alioze nyi kunwazeyele kuli alemu ja mwanangana wa Babilonia chihunda chino machikunjika kuli A-Kaletea; machocha ni kahia ni yenu kunuchi kuputuka kuli ayo.

Jeremia 38:23

Mapwo jenu eswe ni ana jenu eswe a malunga makaatwala kuli A-Kaletea ni yenu mwene kunuchi kapuluka kuli ayo. Mwanangana wa Babilonia kumakanukwata ni chihunda chino makachocha ni kahia.

Jeremia 4:12

Fuji yinakatuka kuli yami yapwa ni tachi naye ha milimo yino. Yami ngunahanjika no haliapwila ni upatwilo.

Jeremia 44:30

Yehova kanambe ngwenyi, Kumungukakunjika Falau Hofara mwanangana wa Engitu kuli akwa kole jenyi ni kuli waze anafupu kumushiha, chizechene ngwe nakunjikile Zedekia mwanangana wa Yunda kuli Nabukanezore mwanangana wa Babilonia mukwa kole yenyi kanda mukwa kufupa kumushiha.

Jeremia 49:23

Ha kutwala ku Ndamaseku ngwo, Hamate ni Arpade kanatatajala, mumu hanevu lusango mupi. Kanasangunuka ni woma, kanapinji ngwe kalunga-lwiji yoze kahashile kuhwima.

Lungungu 1:3

Yunda hanayi ku unjize mumu ha luyinda ni undungo ukalu. Haliapwila kanatwama hakachi ka mavungu alioze kawanyine uhwimino; akwa kumuhanga hamukwata hakachi ka kulifwita chenyi.

Lungungu 4:20

Mwiku wa mu mazulu jetu, yoze wa kuwayisa ni maji kuli Yehova, hamukwata mu mawumbu jo, yoze te twambile ngwetu, Mututwama hakachi ka mavungu mu Chizulie chenyi.

Ezekiel 23:24

Kumakakatuka ku Norte kulimika ni yena ni matemba-a-jita ni matemba ni chihuji cha mavungu. Kumakalilonga akalimike ni yena sali ni sali ni kepwe, ni kepwe jinene, ni ngalau, mba mungukunjika we upatwilo kuli ayo hanga akakupatwile nikulita ni upatwilo wo.

Habakuke 1:7

Kole ni mwongo, akwa kuchikimisa atu; upatwilo wo ni ulemu wo unasoloka muli ayo ene.

Kwalula 13:21

Chocho akandukile, yasembula chifuchi, katuke ku puya ya Zini ndo ku Rehobo, ndo ku unjililo wa ku Hamate.

Yoshua 13:5

Ni chifuchi cha A-Ngebale ni Lebano kweswe ku Chivumbuko, chize ku Mbale-Ngate ku mwanda wa mulundu wa Hermone ndo ku unjililo wa Hamate,

Yoshua 4:13

Ngwe makumi awana a tununu a kululika ni yitwa yo ya jita azaukile kumeso ja Yehova ha jita kwe ku yana ya Yeriku.

Yoshua 5:10

Shimbu A-Izalele achili ku Ngilingali mu chilombo, afungile Chizomboka ha tangwa kumi ni liamuchiwana ha chingoloshi, ha yana ya Yeriku.

Akwa Kuyula 3:3

E mavungu te wano; miata atano ja A-Filistea, ni A-Kanana eswe, ni A-Sendone, ni A-Hevwe aze atwamine ku mulundu wa Lebano chize ku mulundu wa Mbale-Hermone ndo ku kunjila ku Hamate.