Jeremia 39:4 - MUKANDA USANDU WA ZAMBI 1975

⁴ Muze Zedekia mwanangana wa Yunda ni maswalale eswe aamwene, yachina, nikukatuka ku chihunda ha ufuku ku munda wa mwanangana, ku chikolo hakachi ka yipanga yiali ya mawe. Yatalikisa ku Arapa.

Mukanda Wa Zambi 1970

⁴ Muze mwanangana Zedekia ni tujita twenyi eswe haamona yize yabwile, yeeseka kuchina mu limbo ha ufuku. Yaanjila mu munda wa mwanangana, yaatuhukila ku chikolo hakachi ka yipanga yaali yakukoleka, yaachinyina ku sali lia chikulo cha Yordau.

Jeremia 39:4 Iomraidhean Croise

2 Sango Ja Mianangana 32:5

Mba yahamuka, yatunga nawa chipanga-cha-mawe chize chinapuzuka. Yachisuhisa nawa ndo ku tuposhi, ni chipanga-cha-mawe chikwo cha haze. Yakolesa Milo mu chihunda cha David ni kufula yitwa ni kepwe ya kulumbama.

Izaya 22:11

Nwalingile chikwachilo cha meya hakachi ka yipanga yiali ha meya a mu Chitende chikulu. Alioze kunwatalile kuli yoze wachilingile, chipwe kusa mbunge kuli yoze wachifunjikile kushi chikolo.

Izaya 22:3

Akwa kunuyula hachina hamuwika, hanaakwata ni uta wakuhi. Eswe hakachi kenu awanyine akwachile, chipwe hachinyina kusuku.

Izaya 29:2

Hindu mungupinjisa Ariele, mba kumukukapwa mikuma ni kulinyenga, neye kumakapwa kuli yami ngwe umwe Ariele.

Jeremia 32:4

Zedekia mwanangana wa Yunda kechi kakatuka ku kwoko lia A-Kaletea alioze pundu mamukunjika ku kwoko lia mwanangana wa Babilonia; mahanjika nenyi meso ni meso; mamumona liso ni liso.

Jeremia 32:5

Aye matwala Zedekia ku Babilonia mba kwenako matwama ndo mungumunangisa. Chipwe munulitachika ni A-Kaletea kunuchi kakumba. Chocho kanambe Yehova.

Ezekiel 12:12

Mulemu yoze uli hakachi ko neye makazundula yikwata yenyi ha chipaya chenyi ha ufuku, akatuke. Makafula mu yishimi akatuhwishileko yuma yenyi. Makafuka meso jenyi kanda amona chifuchi.

Ezekiel 12:4

Kumutuhwisa yikwata ye ha mwalwa kumeso jo, ngwe yikwata ya unjize, mba yena mwene mukatuhuka ha ngoloshi kumeso jo ngwe atu kakulinga, waze chaatamba kuya ku unjize.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Alevi 26:36

Ha kutwala kuli waze akwenu masala mungutuma kulezumuka mu mbunge jo mu yifuchi ya akwa kole jo. Kuholoka cha lifwo muchiachinyisa, ngwe mutu wakuchina katana chocho machina, mba malimbuka chipwe kaahangile niumwe.

Amose 2:14

Tambu mujihwa kuli akwa tambu ni akwa tachi kechi kapwa nawa ni tachi jo. Chipwe akwa ndundo kechi kulamwina mwono wo.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.