Jeremia 39:2 - MUKANDA USANDU WA ZAMBI 1975

² Ha mwaka kumi ni kashi wa Zedekia ni kakweji wamuchiwana ni tangwa liamuchilivwa lia kakweji, chihunda yachilokola.

Mukanda Wa Zambi 1970

² Ha tangwa lia muchilivwa lia kakweji wa muchiwana wa mwaka kumi ni umuwika, wa mwanangana Zedekia, yaanungwina yipanga ya limbo hashi.

Jeremia 39:2 Iomraidhean Croise

Jeremia 1:3

Liejile nawa ha matangwa a Jehoakime mwana Josia, mwanangana wa Yunda, ndo ku songo lia mwaka kumi ni kashi wa Zedekia mwana Josia, mwanangana wa Yunda, ndo ku ufunge wa Yerusaleme ha kakweji wamuchitano.

Jeremia 32:1

Liji lize liejile kuli Jeremia lia kuli Yehova ha mwaka wamuchikumi wa Zedekia mwanangana wa Yunda, wenawo mwaka kumi ni wamuchinake wa Nabukanezore.

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 37:8

A-Kaletea kumahiluka nikwasa jita ni chihunda chino. Kumachikumba ni kuchocha ni kahia.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Ezekiel 33:21

Ha mwaka kumi ni wamuchiali wa unjize wetu, ni kakweji wamuchikumi, ni tangwa liamuchitano lia kakweji, umwe lunga te hanakatuka ni mwono ku Yerusaleme, heza kuli yami ngwenyi, Che chihunda hachipupa.

Ezekiel 4:3

Anda shapa ya utale Ukayise ngwe chipanga cha utale hakachi ka yena ni chihunda. Talikisako meso je, chikapwe cha kuseleka, ukashinjike jita ya kuseleka. Chino muchipwa chilayi ku munyachi wa Izalele.

Ezekiel 5:2

Chihanda chamuchitatu muwocha ha jiko hakachi ka chihunda muze matangwa a kuseleka hahwa; chihanda chikwo chamuchitatu muwanda nikuchilambalamba ni katana kweswe kwa kujingilika chihunda; chihanda chikwo chamuchitatu mumwangina mu fuji, mba mungutomona katana kujihanga.

Zefania 1:10

Yehova kanambe ngwenyi, Ha tangwa lize makevwa muteto ku chikolo cha yishi, ni mbimbi ku chihanda chamuchiali, ni zungo linene ku milundu.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.