Jeremia 39:18 - MUKANDA USANDU WA ZAMBI 1975

¹⁸ Mumu pundu mungukulamwina; kuchi kufwa ni katana alioze muzuka mwono we ngwe upite wa jita mumu hiunangufuliela. Chocho kanambe Yehova.

Mukanda Wa Zambi 1970

¹⁸ Mungukufunga kanawa, kuuchi kufwa. Muuchina ni mwono we mumu hiwajikijila hali yami. Yami Mwene Zambi nachamba.’ ”

Jeremia 39:18 Iomraidhean Croise

1 Sango Ja Mianangana 5:20

Zambi yaakwasa kulimika no mba yakumba A-Hagri ni waze eswe apwile no, mumu hakachi ka jita yateta kuli Zambi mba iye wapanjikile mumu amufulielele.

Jobe 5:20

Mu kapunga makukula mu kufwa; mu jita makukula ku tachi ja katana.

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 33:18

Liso lia Yehova kuliakutala kuli waze akumuvwila woma, ni waze akutwaminyina utu wa zango lienyi;

Miaso (Masamu) 34:22

Yehova kakukula mwono wa tuvumbi twenyi. Hakachi ka waze maswama muli iye niumwe mahia wakuhi. Samu lia David.

Miaso (Masamu) 37:3

Fuliela Yehova, ulinge yipema. Chocho mukatwama mu chifuchi; chamwenemwene makakulisa.

Miaso (Masamu) 84:12

Yehova-wa-Tujita, kawaha yoze wakukufuliela. Kuli Njimba mukwa lutwe. Samu lia ana a Kora.

Miaso (Masamu) 91:7

Kanunu ka atu makalimbuka ku lumbu lie; kumi lia tununu mulikalimbuka ku kwoko lie lia chindume, hindu kuchichi kakukundama.

Izaya 26:3

Yoze majikijisa manyonga jenyi hali yena, mumufunga mu uhwimino wika, mumu kanakufuliela.

Jeremia 21:9

Mweswe masala mu chihunda chino mafwa ni katana, ni kapunga, ni chilungo, alioze mweswe matuhuka nikulikunjika kuli A-Kaletea waze ananuseleka kechi kufwa, mamwaha mwono wenyi, upite wa jita.

Jeremia 38:2

Yehova kanambe ngwenyi, Mweswe matwama mu chihunda chino kumafwa ku katana, ni kapunga, ni chilungo. Alioze mweswe maya haze kuli A-Kaletea matwama ni mwono. Kumamwaha mwono wenyi ngwe upite wa jita; kumatwama ni mwono.

A-ROMA 2:12

Mumu waze eswe hanavulumuna keshi shimbi, kumakatoka keshi shimbi; ni waze hanavulumuna kushi lia shimbi, kumakaapatwila ku shimbi;

Efesu 1:12

hanga tukapwe ku uhaliso wa uhenya wenyi, yetu, twaliangile kutalatala kuli Kristu.

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.